Qazaqstan álemdik gastronomııalyq reıtıngter kartasyna endi
ASTANA. KAZINFORM — Almaty Gault& Millau gastronomııalyq gıdin ázirleý boıynsha resmı kelisimshartqa qol qoıdy, al Astana yntymaqtastyq týraly memorandým jasasty. Joba «Kazakh Tourism» UK» AQ bastamasymen júzege asyp, úsh jyldyq kelissózderdiń nátıjesine aınaldy.
— Gault& Millau Michelin jáne World’s 50 Best Restaurants-pen qatar álemdegi eń bedeldi gastronomııalyq reıtıngterdiń úshtigine kiredi. Búginde gıd álemniń 21 elinde usynylǵan jáne 16 000-nan astam meıramhanany qamtıdy, — dep habarlady «Kazakh Tourism» UK» AQ baspasóz qyzmeti.
Gault& Millau halyqaralyq táýelsiz ınspektorlary Qazaqstandaǵy meıramhanalar men qonaqúılerge anonımdi baǵalaý júrgizedi. Úzdik mekemeler birden beske deıingi «toques» — aspaz qalpaqtary júıesi boıynsha reıtıng alady. Inspektsııa nátıjesinde aǵylshyn tilindegi baspa gıdi jaryq kóredi, tsıfrlyq platforma iske qosylyp, úzdik aspazdar, kondıterler jáne hospitality ındýstrııasynyń ókilderin marapattaý rásimi ótedi.
Buǵan deıin Qazaqstan Global Firepower áskerı qýat reıtınginde 58-orynda turǵanyn jazdyq.
