Qazaqstan álemdik ýran naryǵyndaǵy baǵaǵa áser ete alady -
Y. 14-i. QazAqparat /Erlik Erjanuly/ - Qazaqstan ýran óndirýdegi kóshbasshylyǵyn aldaǵy 30 jyl boıy ustap tura alady. Bul búgin Almatyda ótip jatqan "Ýran ónerkásibiniń ózekti máseleleri" VI Halyqaralyq ǵylymı-tájirıbelik konferentsııasynda aıtyldy, dep habarlaıdy QazAqparat.
"Qazaqstanyń atom ónerkásibi úshin sheshilmeıtin máseleler joq. Birinshi, ýrannyń qory óte kóp. Jylyna taýyp otyrǵanymyz 15-20 myńnyń mańaıynda. Ol keminde 50-60 jylǵa jetedi. Sondyqtan ýran óndirisindegi kóshbasshylyǵyn 30 jylǵa deıin ustap tura alady", deıdi "Joǵary tehnologııalar ınstıtýty" JShS-niń Bas dırektory Serik Qojahmetov. Onyń aıtýynsha, Qazaqstan keleshekte óndiristiń damýyn jasaý úshin joǵary tehnologııanyń úlesi kóp salalarǵa kóshýde. Atap aıtqanda, ýrannyń baıytylýy, jylý tabletkalaryn jasaý jáne atom energııa stansasynyń qurylýyna qatysý. Oǵan elimizdegi mol ýran qory negiz bola alady. Serik Qasymulynyń sózine qaraǵanda, dúnıejúzindegi ýran naryǵy endi Qazaqstanǵa táýeldi bolady. Qazaqstannyń usynǵan baǵasy álemdik naryqqa áser ete alady.
