«Qazaqstan álemdik qaýymdastyqta» atty Almaty stýdentteri arasynda ótkizilgen pýblıtsıstıkalyq baıqaýda S. Aqylbekqyzy birinshi oryndy jeńip aldy
ATY. 24 qarasha. QazAqparat /Ádilet Musahaev/ - Qazaq memlekettik qyzdar pedagogıkalyq ýnıversıtetiniń stýdenti Saltanat Aqylbekqyzy «Qazaqstan álemdik qaýymdastyqta» atty Almaty stýdentteri arasynda ótkizilgen pýblıtsıstıkalyq baıqaýda birinshi oryndy jeńip aldy.
Almaty qalasy Jastar saıasaty jónindegi basqarmanyń qoldaýymen Almaty qalasy Jastar saıasatyn damytý memlekettik qory Almaty qalasy stýdentteri arasynda Qazaqstannyń EQYU-ǵa tóraǵalyq etýi aıasynda atalǵan baıqaýdy uıymdastyrǵan bolatyn.
Baıqaý qorytyndysy boıynsha Saltanat Aqylbekqyzy birinshi oryndy, Marjan Saǵymbaeva ekinshi jáne Erbolat Mamyraıhan úshinshi orynǵa ıe boldy.
Almaty qalasy Jastar saıasaty jónindegi basqarma bastyǵy Bahtııar Mákenniń aıtýynsha, pýblıtsıstıkalyq jumystar baıqaýyn uıymdastyrýdaǵy maqsat - jastardyń shyǵarmashylyq turǵydan damýyna jaǵdaı jasaý jáne azamattyq ustanymy qalyptasqan stýdentterdi aıqyndap, jigerlendirý. Qazaqstannyń EQYU-ǵa tóraǵalyq etýiniń elimiz úshin mańyzdylyǵy men rólin jastarǵa keńinen túsindirip, nasıhattaý.
