Qazaqstan álemdegi eń iri munaı jetkizýshi elderdiń qataryna kirýi múmkin

ASTANA. QazAqparat – Qazaqstan álemdegi eń iri munaı jetkizýshi elderdiń qataryna kirýi múmkin. bul týraly Prezıdent Qasym-Jomart Toqaev aıtty, dep habarlaıdy QazAqparat.

Buǵan deıin habarlaǵanymyzdaı, búgin Memleket basshysy «Teńizshevroıl» kompanııasynyń 30 jyldyǵyna arnalǵan saltanatty jıynǵa qatysty.

Q.Toqaevtyń aıtýynsha, kompanııa munaı salasynda ozyq tehnologııalardy belsendi túrde qoldanyp, kómirsýtegi beıtaraptyǵyna qol jetkizýge septigin tıgizetin sharalardy dáıekti túrde qabyldap jatyr.

«2000 jyldan beri kompanııa aýaǵa taralatyn shyǵaryndylardyń kólemin 75 paıyzǵa azaıtty. Bul baǵyttaǵy jumys jalǵasýǵa tıis. Teńiz ken ornyndaǵy óndiristi aýqymdy túrde keńeıtý jobalarynyń júzege asyrylýy aıaqtalyp keledi. Bul elimizge munaı óndirisiniń kólemin taǵy da 12 mıllıon tonnaǵa arttyryp, álemdegi eń iri munaı jetkizýshi elderdiń qataryna kirýge múmkindik beredi», – dedi Prezıdent.