Qazaqstan álemdegi eń iri kórmede týrıstik áleýetin pash etti
ASTANA. QazAqparat - Qazaqstan «ITB Berlin 2018» atty eń iri halyqaralyq týrıstik kórmesine qatysýda, dep habarlaıdy «QazAqparat» HAA tilshisi «Kazakh Tourism» UK» AQ baspasóz qyzmetine silteme jasap.
Ulttyq kompanııanyń baspasóz qyzmetiniń habarlaýynsha, jahandyq bıznes alańyna aınalǵan kórmeni 160 myń adam tamashalaıdy. Sondaı-aq, 180 memleketten taǵy 10 myńnan astam meıman qatysady dep kútilýde. Bul - osy is-sharanyń ótkizilý tarıhynda (51 jyl) rekord bolyp tabylady.
«6 naýryz kúni Germanııa Kantsleri Angela Merkel men Dúnıejúzilik týrıstik uıymnyń (ıÝNVTO) Bas hatshysy Zýrab Pololıkashvılıdiń qatysýymen kórmeniń ashylý saltanaty ótti. Qazaqstan stendiniń negizgi kontseptsııasy retinde elimizdiń etnıkasy jáne mádenıeti alynǵan. Al stendtiń ortalyq elementi - tolyq jabdyqtalǵan naǵyz kıiz úıde jent daıyndaýdan, qazaq ulttyq mýzykalyq aspaby sazsyrnaı jasaýdan, kıiz úı turǵyzýdan sheberlik synyptary ótkizilip, ulttyq mýzyka men bıler kórermenge tanystyrylyp jatyr», - dep habarlaıdy kompanııanyń baspasóz qyzmetinen.
Bıznes alańy 5 kún boıy qazaq mádenıeti men salt-dástúrin pash etetin sahna retinde paıdalanylmaq. Stendke kelýshiler jaýynger kıimindegi «Arlan» teatry batyrlarymen sýretke túsip, olarmen qol kúrestire alady.
«Sondaı-aq, pavılonda ústelde oınalatyn asyq oıyny túrleri úshin kishi alań bólingen, bul jerde qonaqtarǵa asyq oınaý úıretiletin bolady. Eń belsendi oıynshylarǵa asyq jıyntyqtary syıǵa tartylady.
«Kazakh Tourism» UK» AQ Basqarma Tóraǵasynyń orynbasary Q. Sádýaqasov bastaǵan Qazaqstan delegatsııasynyń quramynda týrıstik kompanııalardyń, qonaq úılerdiń jáne óńirlik týrızm basqarmalarynyń 40-tan astam ókili bar. Qatysýshylardyń mundaı rekordty sany buryn-sońdy eshbir kórmede bolmaǵan edi», - delingen habarlamada.
Qazaqstan ITB kórmesine jyl saıyn qatysady. Bıyl ITB-degi Qazaqstannyń ulttyq stendiniń uıymdastyrýshysy «Kazakh Tourism» UK» AQ týrıstik kórmelerge qatysýdyń jańa formatyn usynyp otyr.
Berlındegi kórmeden basqa, bul jyly ulttyq kompanııa Qytaı, Gonkong, Ońtústik Koreıa, Polsha jáne basqa memleketterdegi kórmelerge qatysýdy josparlap otyr.
