Qazaqstan álemdegi adam damý ındeksiniń deńgeıi joǵary elder qatarynda - BUU

ASTANA. QazAqparat - Qazaqstan BUU Damý baǵdarlamasynyń adam damý ındeksindegi ornyn saqtap qaldy. Atalǵan reıtıngte 70-shi oryn ıelengen Qazaqstan álemdegi adam damý ındeksiniń deńgeıi joǵary elder qatarynda tur.

Bul týraly Ekonomıka jáne bıýdjettik josparlaý mınıstrliginen habarlandy.

BUU Damý Baǵdarlamasyna qatysqan 187 el reıtınginde 70-orynnan kóringen Qazaqstan Reseı (57-i oryn), Belarýs (53-i oryn), Ýkraınamen (83-i oryn) bir topta. Bul toptaǵy ındekste Túrkııa 69-shy, Meksıka 71-shi orynda tur.

Toqtala ketetin jaıt, Ortalyq Azııa elderi adam damý deńgeıi jaǵynan tómen elder qatarynda tur. Máselen, Túrkimenstan 103-shi, Ózbekstan 116-shy, Qyrǵyzstan 125-shi, Tájikstan 133-shi orynda.

Eske sala keteıik, Adam damý ındeksi boıynsha Norvegııa eli kósh bastap tur. Odan keıingi oryndarda Avstralııa, Shveıtsarııa, Nıderland koroldigi men AQSh jaıǵasqan.

Al genderlik teńdik jaǵynan Qazaqstan 25-orynda tur.