Qazaqstan álemdegi yqpaldy elder arasynda 34-orynǵa turaqtady — Toqaev
ASTANA. KAZINFORM — Memleket basshysy ınvestıtsııalyq klımatty jaqsartý, zańnamany jetildirý, adal básekeni qorǵaý jáne ınvestorlarmen tikeleı dıalog órbitý boıynsha qabyldanyp jatqan júıeli sharalarǵa toqtaldy, dep habarlaıdy Aqordanyń baspasóz qyzmeti.
— Halyqaralyq zertteý jáne reıtıng agenttikteriniń baǵalaýyna sáıkes, jýyqta Qazaqstan álemniń eń yqpaldy elderiniń arasynda 34-orynǵa turaqtady. Makroekonomıkalyq kórsetkishterge zer salsaq, elimiz kóptegen salada, atap aıtqanda, áleýmettik qorǵaý, ınnovatsııalyq saıasat, tsıfrlandyrý, JI-di damytý, syrtqy saıasat, ǵylym jáne bilim, zań ústemdigi qaǵıdatyn ornyqtyrý, qorshaǵan ortany aıalaý, ekologııalyq mádenıetti ilgeriletý, volonterlik qozǵalysty qoldaý, eń mańyzdysy, adamnyń quqyǵy men bostandyǵyn qorǵaýda eleýli progreske qol jetkizdi. Bul qaǵıdattardyń barlyǵy Konstıtýtsııada bekitilgen. Azamattar, Prezıdent retinde men de ony múltiksiz saqtaýymyz qajet. Bizdiń uranymyz — «Birligimiz — áralýandyqta!». Atalǵan qaǵıdatqa súıene otyryp, eldegi turaqtylyq pen beıbitshilikti saqtaýǵa bar kúshimizdi salamyz. Osylaısha, barlyq sheteldik, sonyń ishinde Belgııa kompanııalaryna qolaıly ári ashyq iskerlik klımat qalyptastyrdyq, — dedi Prezıdent.
Buǵan deıin Toqaev pen Korol Fılıpp Qazaqstan-Belgııa iskerlik keńesiniń tórtinshi otyrysyna qatysqanyn jazǵan edik.
Otyrys barysynda Prezıdent Qazaqstannyń eki portyn Belgııanyń iri logıstıkalyq ortalyǵymen baılanystyrýdy usyndy.
