Qazaqstan álemdegi eń iri 50 ekonomıkanyń qataryna endi
ASTANA. KAZINFORM — Qazaqstan álemdegi eń iri 50 ekonomıkanyń qataryna enip, Dúnıejúzilik bank reıtınginde 55-orynnan 48-orynǵa kóterildi.
2019–2026 jyldary Qazaqstanda memlekettik basqarý júıesi men qoǵamdyq ómirde aýqymdy ózgerister boldy.
Bul kezeńdegi basty saıası ózgeristerdiń biri — 2026 jylǵy 15 naýryzda ótken respýblıkalyq referendýmda jańa Konstıtýtsııanyń qabyldanýy. Elde júrgizilgen saıası reformalar ekonomıkalyq jetistiktermen de qatar júrdi.
2025 jyly Qazaqstannyń jalpy ishki ónimi 159,6 trıllıon teńgeni qurap, ekonomıka 6,5 paıyzǵa ósti. Bul — sońǵy jyldardaǵy eń joǵary kórsetkishterdiń biri. Qazaqstan Dúnıejúzilik bank reıtınginde 55-orynnan 48-orynǵa kóterilip, ekonomıkasy eń iri 50 eldiń qataryna endi.
Qazaqstanǵa tartylǵan ınvestıtsııa kólemi de kóbeıdi. Negizgi kapıtalǵa salynǵan ınvestıtsııanyń jyldyq kólemi 12,6 trıllıon teńgeden 23,5 trıllıon teńgege jetti. Al 2019 jyldan 2026 jyldyń birinshi toqsanyna deıin elge quıylǵan tikeleı sheteldik ınvestıtsııanyń jalpy kólemi 162 mıllıard dollardan asty.
Úkimet 2026–2028 jyldarǵa arnalǵan makroekonomıkalyq turaqtandyrý baǵdarlamasy boıynsha ekonomıkanyń jyl saıyn keminde 5 paıyzǵa ósýin qamtamasyz etýdi kózdep otyr. Sonymen qatar 2028 jylǵa qaraı ınflıatsııa deńgeıin 5–7 paıyzǵa deıin tómendetý josparlanǵan.
Buǵan deıin Qazaqstan ekonomıkasy 5%-ǵa jýyq ósetini habarlandy
