Qazaqstan álemde ıgi bastamalardy kóterip otyrǵan biregeı memleket bolyp tabylady - Elbasy
ANA. 18 sáýir. QazAqparat /Rýslan Ǵabbasov/ - Qazaqstan álemde ıgi bastamalardy kóterip otyrǵan biregeı memleket bolyp tabylady.
Bul týraly búgin Astanadaǵy Beıbitshilik jáne kelisim saraıynda «Táýelsiz Qazaqstan: Beıbitshiliktiń, Kelisimniń jáne Jasampazdyqtyń 20 jyly» taqyrybyndaǵy Qazaqstan halqy Assambleıasynyń sessııasynda Elbasy Nursultan Nazarbaev málim etti.
«Álemde dástúrli túrde progressıvti yqpaldastyq bastamalaryn kóterip otyrǵan Qazaqstan biregeı memleket bolyp tabylady. Osynda sammıtter men erikti kezdesýler ótkiziledi»,-dedi Elbasy.
Memleket basshysy óz sózinde búginde 85 paıyzdan astam qazaqstandyqtar bizdiń elde azamattardyń teńdigi men quqy qamtamasyz etilgenine senimdi ekenin aıtyp ótti. Al, halyqtyń 75 paıyzy Qazastanda túrli etnostar óziniń tili men mádenıetin saqtap qalýǵa barsha jaǵdaı jasalǵanyn aıtyp júrgenin eskerip ótti.
