Qazaqstan álem boıynsha synı turǵyda oılaýdan 50 oryndy ıelengen
ASTANA. QazAqparat - Qazaqstan álem boıynsha synı turǵyda oılaýdan 50 oryndy ıelenip otyr.
Bul týraly búgin Astanada ótken «Qazaqstandaǵy bilim berý isin synı turǵydan oılaý» atty beıresmı konferentsııada QR Bilim jáne ǵylym mınıstri Aslan Sarinjipov aıtty.
Onyń málimetinshe, PISA dep atalatyn halyqaralyq zertteýge negizinen damyǵan memleketter qatysady. Bul zertteýge Qazaqstan osymen ekinshi ret qatysyp otyrǵan kórinedi.
«Bul zertteý balalardyń óz bilimin ómirde qoldana bilý deńgeıin ólsheıdi. Ol UBT sııaqty mektep bilimin emes, kúndelikti ómirde kezdesetin jaǵdaılarǵa baılanysty balalardyń sheshim qabyldaı bilý qabiletin zertteıdi», - dep atap ótti mınıstr.
Mınıstrdiń aıtýynsha, ár eldiń nátıjesi ekonomıkalyq damý kórsetkishterine saı keledi.
«Eldiń PISA-daǵy kórsetkishi neǵurlym joǵary bolsa, el de soǵurlym jaqsy damıdy. Bul dáleldengen nátıje. Zertteýge qatysqan 8 synyp oqýshylarynyń kórsetkishi boıynsha Qazaqstan matematıkada 49-oryn, jaratylystaný boıynsha 52-oryn, oqý boıynsha 60-oryn alǵan. Bul jaman kórsetkish emes. Óıtkeni zertteýge qatysqan 65 eldiń ishinde 50-orynǵa ıe bolyp otyrmyz», - dep atap ótti mınıstr.
