Qazaqstan álem boıynsha donorlyq belsendiligi tómen elderdiń qatarynda
ASTANA. 16 qańtar. QazAqparat - Dúnıejúzilik densaýlyq saqtaý uıymy (DDSU) Qazaqstandy donorlyq belsendiligi tómen memleketterdiń tizimine qosyp otyr.
Bul jóninde búgin Astanada Transfýzıologııa ǵylymı-óndiristik ortalyǵy dırektorynyń birinshi orynbasary Sánııa Ábdirahmanova málim etti. «DDSU erejeleri boıynsha, halyqty qan komponentterimen qamtamasyz etý úshin 1000 adamǵa shaqqanda 40-60 qan tapsyrýlar bolýy shart. Astanadaǵy kórsetkish - 58, biraq respýblıka boıynsha onyń kólemi 17-18 shamasynda bolyp otyr. Ol ázirge bir deńgeıde ustalyp tur», - dedi ol. Onyń aıtýynsha, buǵan qaramastan, Qazaqstanda qan komponentterinen tapshylyq kórip otyrǵan joq.
