Qazaqstan aldaǵy 5 jylda shıkizat eksportynyń kólemin arttyrady
ASTANA. 5 qazan. QazAqparat - Taıaý 5 jyldyń ishinde munaı, gaz, metal jáne astyq eksportynyń kólemi tek qana artatyn bolady.
Búgin Astanada «Nur Otan» HDP-nyń QR Parlamenti Májilisindegi fraktsııasynyń keńeıtilgen jınalysynda QR Ekonomıkalyq damý jáne saýda mınıstri Erbolat Dosaev osylaı málim etti.
«Elimizdiń negizgi eksporttyq ónimderiniń álemdik baǵasyna boljam boıynsha, sonymen qatar salalyq mınıstrlikterdiń naqtylaýynsha, astyq, munaı, gaz jáne metaldyq eksporttyq kólemi natýraldy túrde kelesi jyly 96,1 mlrd. dollardan 2017 jylǵa qaraı 116,7 mlrd. dollarǵa deıin artady dep boljanýda», - dedi ol.
Sonymen qatar mınıstrdiń atap óýtinshe, ekonomıka ósimine oraı halyq kirisiniń artýy ımporttyq taýarlardyń 2013 jyly 56,3 mlrd. dollardan 2017 jylǵa qaraı 92,3 mlrd. dollarǵa deıin artýyna múmkindik beredi.
