Qazaqstan alpınızmnen álem chempıonatynda top jardy
ASTANA. QazAqparat - Halyqaralyq sporttyq alpınızm federatsııasy bıiktikke kóterilý klasyndaǵy alpınızmnen álem chempıonatyn qorytyndylady. Birinshi oryndy qıyndyq kategorııasy 6B soltústik-batys qabyrǵasy boıynsha Vernyı shyńyna (5 250 m) alǵashqy bolyp shyqqan Qazaqstan qurama komandasy ıelendi, dep habarlaıdy QazAqparat.
Qazaqstandyq komandaǵa alpınıster Roman Shesternın, Leonıd Krýpa, Zakırjan Abdýraımov jáne Stanıslav Laınopýlo endi. Komandany sport sheberi Maksım Ten basqardy, jattyqtyrýshylar - sport sheberleri Artem Skopın jáne Vıacheslav Tıtov. Búkil baǵyttyń uzyndyǵy - 1 670 m, bıiktik aıyrmashylyǵy – 910 m. Komanda baǵyt boıynsha 6 kún júrip, arnaıy platformada túnedi.
«7-shi kúni biz shyńǵa kóterilip, jaı ǵana ashyq aspan astyndaǵy qarly shuńqyrǵa jaıǵastyq. Bıikte jel men sýyq azynap tur, Biz bul órmeleýden sharshadyq dep aıta almaımyz, óıtkeni, mejege jetkendegi sezim men qýanysh bárin umyttyrap jiberedi»,», – dedi alpınıst Leonıd Krýpa.
Shyńǵa órleýshilerdiń aıtýynsha, Vernyı shyńynyń soltústik-batys betkeıine kóterilý úlken qyzyǵýshylyq týdyrǵan. Sebebi, qabyrǵalar tik, al keıbir tustary eńis keledi, ishki buryshtar jáne shodyr tastar bar.
