Qazaqstan alpınısteri Qytaıda ótken Azııa Kýbogynda medaldyń úsh túrin de enshiledi
ASTANA. QazAqparat - 27-29 qazan kúnderi Qytaıdyń Vanhanshan qalasynda quzǵa sporttyq órmeleýden ótken Azııa Kýbogynda qazaqstandyq alpınıster bir altyn, eki kúmis, bir qola medal alyp keldi, dep habarlaıdy «QazAqparat» HAA tilshisi QR Alpınızm jáne quzǵa sporttyq órmeleý federatsııasynyń baspasóz qyzmetine silteme jasap.
27-29 qazan kúnderi Qytaıdyń Vanhanshan qalasynda sporttyq quzǵa shyǵýdan Azııa Kýbogy uıymdastyrylǵan. Oǵan Qytaı, Ońtústik Koreıa, Japonııa, Iran, Sıngapýr, Taıland jáne ózge de memleketterdiń sportshylary qatysqan. Báseke qyzǵan dodadan qazaqstandyq quzǵa shyǵýshylar júldesiz qaıtpapty.
«Azııa Kýbogynda jyldamdyq boıynsha jerlesimiz Ámir Maımuratov altyn medalǵa ıe boldy. Onyń izimen ekinshi bolyp shyńnyń máresine jetken Artem Devıaterıkov kúmis júldege qol jetkizse, úshinshi oryndy qytaı sportshysy ıelendi», - dep habarlaıdy federatsııadan.
Áıelder arasynda da otandastarymyz el abyroıyn asqaqtatyp kelgen. Atap aıtqanda, Ásel Marlenova qytaılyq sportshydan sál ǵana qalyp, kúmis júldege ıe bolsa, atalǵan sporttyń «boýlderıng» saıysy boıynsha Iran men Sıngapýrdyń quzǵa shyǵýshylaryn alǵa jibergen Tamar Kýznetsova qola júldeni mise tutty.
