Qazaqstan alpınısteri álemniń eń qaýipti shyńy - «Jan alǵysh taýyn» baǵyndyrmaq
K2 (nemese Shogorı shyńy) - Everestten (8 611 metr) keıingi álemniń ekinshi shyńy. Alaıda oǵan órmelep shyǵý Everestten de kúrdeli. Bul - eshbir adam qystygúni shyǵýǵa batpaǵan álemniń segiz myń metrlik shyńy bolyp esepteledi. Taý shyńy Pákistan men Qytaı shekarasyndaǵy Qaraqorym taýlarynda ornalasqan. Alpınıster ortasynda ol shyńdy «jan alǵysh taý» dep te ataıdy eken. Sebebi, ony baǵyndyrmaq bolǵandardyń 25 paıyzy jol ortada qaza bolǵan.
Halyqaralyq ekspedıtsııaǵa tek tájirıbeli alpınıster qatysady. Onyń sapynda QR Qorǵanys mınıstrligi Armııa Ortalyq sport klýby Sport komıtetiniń janyndaǵy Taý daıarlyǵy ortalyǵynyń ofıtseri, aǵa leıtenant Vasılıı Pıvtsov ta bar. Ol - alpınızm boıynsha eńbek sińirgen sport sheberi, «Qurmet» ordeniniń ıegeri.
«Qys mezgilinde K2 shyńyn baǵyndyrý ıdeıasy meniń oıymnan 2002-2003 jyldary qysqy polıak ekspedıtsııasynyń quramynda bolǵaly beri ketpegen edi. Bizdiń komanda dene daıarlyǵyn únemi shyńdap keledi. Budan basqa, birneshe jyldan beri jergilikti 6-7 myń metrlik shyńdarǵa shyǵyp júrmiz. Ol taýlardyń klımaty K2 shyńyna óte jaqyn. Ekspedıtsııa eki aıǵa jýyq ýaqytty alady. Shyńǵa kóterilýde «Gımalaı stılin» paıdalaný kózdelip otyr. ıAǵnı, aralyq lagerlerdiń qajetti sany ornatylatyn bolady. Bul, komandaǵa bıiktikke shyǵý úshin akklımatızatsııadan ótýge múmkindik beredi», - deıdi Vasılıı Pıvtsov.
Aıta ketý kerek, búkil adamzat tarıhynda atalǵan shyńdy qysqy ýaqytta baǵyndyrý boıynsha burynǵy alpınıster tórt márte ózderin synap kórgen eken. Alaıda ol ekspedıtsııalardyń barlyǵy sátsiz bolǵan: toptar tek 7200-7650 metrge jetip, ary qaraı keri qaıtýdan basqa amaly qalmaǵan. Bul jolǵy halyqaralyq ekspedıtsııany 2019 jyldyń qańtarynan bastap aqpanyna deıin júrgizý josparlanyp otyr.
