Qazaqstan AQTQ/JQTB indetterimen kúresýde aıtýly jetistikterge qol jetkizip otyr - ıÝNEIDS uıymynyń aımaqtyq dırektory
MÁSKEÝ. 3 maýsym. QazAqparat /Narymbek Ysmaǵulov/ - Qazaqstannyń AQTQ/JQTB jaǵdaılarynyń aldyn alý jáne emdeý jónindegi kúsh-jigerin joǵary baǵalaýǵa bolady.
Bul týraly búgin Máskeýde sheteldik jýrnalıstermen bolǵan kezdesýde BUU-nyń Eýropa jáne Ortalyq Azııa elderi úshin AQTQ/JQTB jónindegi birlesken baǵdarlamasynyń (ıÝNEIDS) aımaqtyq dırektory Denıs Brýn málim etti.
ıÝNEIDS ókiliniń aıtýynsha, búginde álemde AQTQ ınfektsııasymen ómir súrip jatqan adamdardyń sany 33 mıllıondy quraıdy, onyń 6 mıllıonnan astamy ARV-terapııasyn qabyldaýda. Shyǵys Eýropa jáne Ortalyq Azııa aımaqtarynda ınfektsııa juqtyrǵan 1,4 mıllıon adam turyp jatyr.
«AQTQ/JQTB oqıǵalarynyń aldyn alý jáne emdeý jónindegi Qazaqstannyń kúsh-jigerin, jalpy alǵanda, joǵary baǵalaýǵa bolady - jaqsy nátıjeler barshylyq. Іndettiń aldyn alý jónindegi baǵdarlamalardyń nátıjesi, aımaqtyń basqa elderine qaraǵanda, nátıjelirek. Em-domǵa qoljetimdilik - jalpyǵa birdeı. Inektsııalyq nashaqorlarmen jumys baǵdarlamasy da jaqsy jumys istep jatyr, orynbasýshylyq terapııa da tıimdi qoldanylýda. Barlyq baǵdarlamalar keńeıtilýde», - dedi D.Brýn.
