Qazaqstan AQSh-tyń áıelderdiń jahandyq damýy jónindegi bastamasyn qoldady
2021 jylǵy 8 qańtarda QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lazzat Ramazanova AQSh-tyń Áıelderdiń jahandyq máseleleri jónindegi memlekettik departamentiniń erekshe tapsyrmalar jónindegi elshisi Kellı Ekels Karrı hanymmen kezdesti
Kezdesýde AQSh úkimetiniń «Áıelderdiń jahandyq damýy men gúldenýi» (WGDP) bastamasy sheńberinde Qazaqstan men AQSh-tyń áıelderdiń ekonomıkalyq quqyqtaryn ilgeriletý jónindegi yntymaqtastyq máseleleri talqylandy.
Qazaqstan bul bastamaǵa 2020 jylǵy 23 qazanda resmı túrde qosylyp, BUU-ǵa múshe 31 elden turatyn negizgi toptyń múshesi boldy.
WGDP bastamasy damýshy elderdegi 50 mln áıeldiń ekonomıkalyq quqyqtary men múmkindikterin áıelderdiń ekonomıkalyq ómirge qatysýy úshin quqyqtyq kedergilerdi joıý jolymen 2025 jylǵa deıin keńeıtýge baǵyttalǵan.
Bul álemdik ekonomıkanyń ósýin yntalandyratyn, sondaı-aq onyń turaqtylyǵyn nyǵaıtatyn bolady.
Lazzat Ramazanovanyń pikirinshe, yntymaqtastyqtyń alǵashqy qadamy áıelderdi kásipkerlik daǵdylarǵa, kóshbasshylyqqa oqytý jáne áıelderdiń ekonomıkalyq belsendiligi úshin kedergilerdi joıý boıynsha semınarlar ótkizý bolýy múmkin.
«Áıelder úshin qoljetimdi nesıelik jelilerdi qamtamasyz etý, onlaın-saýda platformalaryn jáne kásipker áıelderdiń álemdik ozyq praktıkalarynyń biryńǵaı bazasyn qurý máselelerin pysyqtaý ózekti ári mańyzdy qadam bolmaq», - dep atap ótti kezdesýde QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lazzat Ramazanova.
Ulttyq komıssııa basshysy búginde qazaqstandyq áıelder shaǵyn jáne orta bızneste jetekshi orynǵa ıe ekenin atap ótti. Olar 500 myńnan astam kompanııa basqarady, bul eldiń belsendi jumys isteıtin kásipkerleriniń jalpy sanynyń 43% quraıdy.
