Qazaqstan AQSh-ta moldovalyq bıznesmenge jáne onyń eki balasyna qarsy sot protsesin bastady
ASTANA. QazAqparat - Búgin Qazaqstan Respýblıkasy AQSh-tyń Vashıngtondaǵy, Kolýmbııa Okrýgi, okrýgtik sotqa moldovalyq kásipker Anatolıı Statı, onyń balasy Gabrıel Statı jáne olardyń eki kompanııasy Ascom Group S.A. men Terra Raf Trans Traiding Ltd.-ǵa (budan ári - Statı tarapy) qarsy talap-aryzyn joldady, dep habarlaıdy QazAqparat QR Ádilet mınıstrliginiń saıtyna silteme jasap.
Sot protsesi Qazaqstan Respýblıkasyna qarsy shyǵarylǵan shamamen 500 mln AQSh dollar kólemindegi halyqaralyq tórelik sheshimge baılanysty qozǵaldy. Talap-aryz jeke jáne zańdy tulǵalardyń birigýi arqyly Statı tarapynan jasalǵan kúrdeli jáne aýqymdy alaıaqtyqtyń saldarynan kelgen shyǵyndy óteýdi kózdeıdi. Sonymen qatar, sot protsesi talap-aryzdyń bolashaq oryndalýyn qamtamasyz etý sharalaryn usynady.
Sonymen birge, Statı tarapy Qazaqstanda jasyryn bir-birimen baılanysqan aqsha aýdarymdary men suıyltylǵan kómirsýtek gaz zaýyttarynyń baǵasyn aldamshy jolmen qymbattatý arqyly jalǵan qarjy esebin daıyndaýy talap-aryzdyń mańyzdy ózegi bolyp tabylady. Budan basqa, qazaq munaı-gaz kompanııalarynan baǵa usynystar alý úshin Statı tarapy kómirsýtek gaz zaýyttarǵa jalǵan baǵalar men qarjy eseptemelerdi paıdalandy. Halyqaralyq tórelikte Statı tarapymen osy ádisti zaýyttardyń baǵasyn qymbattatý maqsatynda dálel retinde usyndy. Atalǵan alaıaqtyq tásil tórelik trıbýnaldyń sottylyq, jaýapkershilik jáne shyǵyndy óteý jaýapkershiligin anyqtaý sheshimine áser etti, dep málim etti QR Ádilet mınıstrligi.
Statı tarapy, sonymen qatar, AQSh pen Ulybrıtanııada aram jolmen qol jetkizgen tórelik sheshimdi zań boıynsha oryndaý is-sharalaryna áreket.
Sheshimdi oryndaýdaǵy Statı tarapynyń áreket etýi jáne Shvetsııadaǵy tórelik sheshimniń kúshin joıý satysynda Qazaqstan Respýblıkasy birtalaı qujattardy májbúrli túrde ashýǵa qol jetkizdi. Osy qujattar alaıaqtyq tásildi kórsetti. Ótip jatqan aǵylshyn sotynda Qazaqstan Respýblıkasy jańa dálelderdi ázirlegennen keıin London qalasynyń Joǵary soty 2017 jylǵy 6 maýsymda Qazaqstan Respýblıkasy Statı taraby tórelik sheshimge alaıaqtyq jolmen alǵandyǵy jóninde «aıtarlyqtaı jetkilikti dálelder» bar ekendigi jáne máseleniń sotta tyńdalýy jóninde qaýly shyǵardy. Budan keıin Statı taraby aǵylshyn sotynyń sheshimi týraly habarlamaı, Nıý-Iork shtatynyń, Shvetsııa, Gollandııa jáne Lıýksembýrg sottaryna tórelik sheshimdi oryndaý úshin júgindi.
Qazaqstan Respýblıkasy Statı tarabymen AQSh-tyń bopsalaýshylyqqa qatysty zańnamasyn buzý nátıjesinde paıda bolǵan zalaldy óteý jáne alaıaqtyq jolmen qol jetkizgen tórelik sheshimdi oryndaýǵa tyıym salý úshin atalǵan protsesti qozǵady.
Іs №1:17cv2067 nómirmen tirkelgen. Qazaqstan Respýblıkasynyń múddelerin Norton Rose Fulbright US LLP halyqaralyq zań fırmasynyń ókili Metıý Kırtland (Matthew H. Kirtland) qorǵaıdy.
