Qazaqstan AQSh-pen strategııalyq salalarda 5,2 mlrd dollarlyq 11 qujatqa qol qoıdy
NЬıÝ-IORK. KAZINFORM — Memleket basshysynyń Amerıka Qurama Shtattaryna sapary aıasynda qazaqstandyq kompanııalar álemniń iri korporatsııalarymen quny 5,2 mıllıard dollar bolatyn 11 qujatqa qol qoıdy. Bul týraly Prezıdenttiń Baspasóz hatshysy Rýslan Jeldibaı málim etti.
— Qasym-Jomart Toqaevtyń Nıý-Iorkqa jumys sapary kezinde Qazaqstan men AQSh-tyń iri kompanııalary arasynda 11 kelisim men memorandýmǵa qol qoıyldy. Kólik-logıstıka, energetıka jáne aqparattyq tehnologııalar sııaqty strategııalyq turǵydan mańyzdy salalardy qamtıtyn bul qujattar elimizdiń ekonomıkasyna 5,2 mıllıard dollar kóleminde ınvestıtsııa tartýdy kózdeıdi, — delingen habarlamada.
Mundaı kelisimder «Qazaqtelekom», «Qazaqstan temir joly», «Samuryq-Qazyna», ulttyq ál-aýqat qory, «QazMunaıGaz», Amazon Kuiper, International Finance Corporation, Lummus Technology, Exxon Mobil, Chevron, LanzaJet jáne Wabtec, sondaı-aq AQSh-tyń eksport-ımport banki sııaqty kompanııalar men qarjy uıymdary arasynda jasaldy.
Aıta keteıik, Prezıdent Qasym-Jomart Toqaev Nıý-Iorkke jumys sapary barysynda Donald Tramppen sóılesti.
Prezıdent Amerıkanyń bıznes ókilderimen ótken «dóńgelek ústel» otyrysynda sóz sóıledi.