Qazaqstan AQSh pen Reseı arasynda qol qoıylatyn strategııalyq shabýyldaýshy qarýlardy qysqartý jónindegi shartty quptaıdy -N. Nazarbaev
áýirdiń 7-si. QazAqparat /Ernur Aqanbaı/ - Qazaqstan AQSh pen Reseı arasynda qol qoıylýy josparlanyp otyrǵan strategııalyq shabýyldaýshy qarýlardy qysqartý jónindegi shartty quptaıdy.
Bul týraly búgin Aqordada BUU Bas hatshysy Pan Gı Mýnmen bolǵan kelissózderden keıingi baspasóz máslıhatynda Elbasy Nursultan Nazarbaev málimdedi, dep habarlaıdy QazAqparat.
«Qarýsyzdaný, ıadrolyq qaýipsizdik isinde kóp ister tyndyrǵan Qazaqstan ıadrolyq qarýdan ada álemdi qalyptastyrý jolynda basqa memleketterdi ylǵı da alǵa qadam jasaýǵa shaqyryp keledi. Osyǵan baılanysty biz erteń Pragada AQSh pen Reseı prezıdentteri arasynda qol qoıylýy josparlanyp otyrǵan strategııalyq shabýyldaýshy qarýlardy qysqartý jónindegi jańa shartty quptaımyz. Bul eki iri ıadrolyq memleket jeke arsenaldaryn qysqartý jáne jahandyq ıadrolyq qaýipsizdikke qol jetkizý úshin berik saıası erik-jigerin kórsetip otyrǵanyn kórsetedi. Bul ıadrolyq qarýsyz adamzattyń keleshegi múmkin ekendiginen jáne oǵan qol jetkizýge bolatyndyǵynan úmittendiredi», dedi N. Nazarbaev.
Osy oraıda N. Nazarbaev Qazaqstan aldaǵy ýaqytta da jer betindegi mıllıondaǵan adamdardyń osy arman-tilegin BUU-men birge ómir shyndyǵyna aınaldyrýǵa bar kúsh-jigerin jumsaıtynyn atap kórsetti.
