Qazaqstan AQSh-qa tikeleı áýe reısterin ashýǵa bir qadam jaqyndady
ASTANA.KAZINFORM — Keshe Qazaqstan Respýblıkasy Parlamentiniń Senaty «Qazaqstan Respýblıkasynyń keıbir zańnamalyq aktilerine mashına jasaý jáne kólik máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn maquldady. Bul týraly Kólik mınıstrligi málim etti.
Qujat «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» Qazaqstan Respýblıkasynyń Zańyna birqatar ózgerister men tolyqtyrýlar engizýdi kózdeıdi.
Túzetýler azamattyq avıatsııany retteýdiń ulttyq júıesin odan ári jetildirý jáne Qazaqstan Respýblıkasynyń zańnamasyn halyqaralyq avıatsııalyq standarttar men usynylatyn praktıkaǵa sáıkes keltirý maqsatynda ázirlendi.
— Bul ózgeristerdiń AQSh-tyń Federaldyq avıatsııalyq ákimshiligi (FAA) ótkizetin Ushý qaýipsizdigin halyqaralyq baǵalaýdan (International Aviation Safety Assessment, IASA) ótýge Qazaqstannyń daıyndyǵy sheńberinde mańyzy zor, — delingen vedomstvonyń habarlmasynda.
Qabyldanǵan túzetýlerdi iske asyrý ushý qaýipsizdigin qadaǵalaý jónindegi memlekettik júıeni nyǵaıtýǵa múmkindik beredi, sondaı-aq Memleket basshysynyń Qazaqstan men AQSh arasynda tikeleı áýe qatynasyn ashý jónindegi tapsyrmalaryn iske asyrýǵa yqpal bolady.
Aıta keteıik, armenııalyq áýe kompanııasy Qazaqstanǵa jańa reıs ashty.
