Qazaqstan aqparattyq qoǵamǵa qadam basýdyń az-aq aldynda tur - Baılanys jáne aqparat vıtse-mınıstri
ASTANA. 28 jeltoqsan. QazAqparat /Aıdar Ospanalıev/ - «Qazaqstannyń aqparattyq qoǵamǵa aınalýyna az ǵana ýaqyt qaldy»,-deıdi Baılanys jáne aqparat mınıstriniń orynbasary Sáken Sársenov. Bul týraly ol búgin Bnews.kz portaly arqyly ótken on-laın konferentsııa barysynda málim etti.
Búgingi konferentsııa Qazaqstan Respýblıkasyndaǵy 2010-2014 jyldarǵa arnalǵan aqparattyq - kommýnıkatsııalyq tehnologııalardy damtýdyń basym baǵyttaryna arnalǵan bolatyn. Osy máselege baılanysty azamattardyń saýaldaryna jaýap bergen vıtse-mınıstrdiń sózine qaraǵanda, XXI ǵasyrda árbir el múmkindiginshe aqparattyq qoǵamǵa aınalýǵa tyrysyp baǵýda. «Degenmen bizde áli aqparattyq qoǵamnyń ne ekendigin jete túsine bermeıtin toptar da bar. Aqparttyq qoǵam dep uıaly telefon men ınternetti kúndelikti qajettilik retinde emin-erkin ári keńinen paıdalanatyn qoǵamdy ataýǵa bolady. Osy turǵydan alǵanda Qazaqstan búgin osy qoǵamǵa qadam basýdyń az-aq aldynda tur. Bıylǵy jyly elimizde osy salada úlken ister atqaryldy. Menińshe biz bul baǵyttaǵy jumystardyń nátıjelerin aldaǵy jyldyń alǵashqy jartysynda aıqyn sezine bastaımyz», - dedi S.Sársenov.
Onyń sózine qaraǵanda, aqparatpen qamtamasyz etý baǵytyndaǵy jumystar jóninde sóz qozǵaǵanda birinshi kezekte ınfraqurylymdyq jobalar eske túsedi. «Mysaly telekommýnıkatsııa salasyn alyp qaraıyq. Osynyń ishindegi baılanys salasy kúndelikti ómirdegi asa úlken qajettilikterdiń biri. Al bizdiń maqsat - turǵyndardy osy qajettilikpen kúndiz-túni jáne úzilissiz qamtamasyz etý. Qazirgi tańda elimizdiń barlyq aımaqtary telefonmen qamtamasyz etilgen. Osy turǵydan alǵanda biz dybys arqyly habar berý salasynda aldyǵa qoıǵan mindetterdi atqardyq deýge tolyq negiz bar. Al ınternetpen qamtamasyz etý máselesine keletin bolsaq, biz qazir bul máseleni sheshý ústindemiz», -dedi vıtse-mınıstr.
Sondaı-aq onyń paımydaýynsha, qazir aqparattyq tehnologııalarsyz birde-bir eldiń ekonomıkasy alǵa baspaıdy. ıAǵnı, aqparattyq tehnologııalardyń bizdiń ómirimizge yqpaly óte zor. «Bul baǵytta aıta ketýge turarlyq másele - biz azýyn aıǵa bilegen AQSh-ty basyp ozýǵa umtylyp otyrǵan joqpyz. Bizge eń quryǵanda ózimizdiń elimizde aqparattyq tehnologııalardy otandyq mamandardyń shyǵarýyna qol jetkizýimiz kerek. Bul aqparattyq tehnologııalar salasynda mınıstrliktiń aldyna qoıyp otyrǵan basty mindeti»,- dedi mınıstrlik ókili.
