Qazaqstan Airbus áýe kemelerin baǵdarlamalyq jańartý jumysyn tolyq aıaqtady
ASTANA. KAZINFORM – Azamattyq avıatsııa komıteti Qazaqstan búgin, 29 qarasha kúni Airbus áýe kemeleriniń baǵdarlamalyq jańartýyn tolyq aıaqtaǵanyn habarlady.
Osy jyldyń 28 qarashadaǵy Airbus kompanııasynyń dırektıvasyna sáıkes, qazaqstandyq áýe kompanııalary paıdalanatyn Airbus úlgisindegi áýe kemelerinde baǵdarlamalyq qamtamasyz etýdi jańartý jumystary tolyq aıaqtaldy.
Qazirgi ýaqytta Airbus úlgisindegi barlyq áýe kemeci talaptarǵa tolyqtaı sáıkes keledi jáne shtattyq rejımde eksplýatatsııalanyp jatyr.
– Ushý qaýipsizdigin qamtamasyz etýge baǵyttalǵan tehnıkalyq jaǵdaıǵa túsinistik tanytqan barlyq jolaýshyǵa alǵys bildiremiz. Qazaqstan Kólik mınıstrliginiń Azamattyq avıatsııa komıteti, Qazaqstannyń avıatsııalyq ákimshiligi, áýe kompanııalarynyń tehnıkalyq-ınjenerlik quramy, sondaı-aq eldiń áýejaılary barlyq avıatsııalyq protsestiń úzdiksiz jumysyn jáne qaýipsizdik standarttarynyń saqtalýyn qamtamasyz ete otyryp, qajetti jumystardy jedel túrde oryndady, - delingen habarlamada.
Qazaqstanda Airbus ushaqtaryndaǵy baǵdarlamany jańartý búgin aıaqtalatynyn jazǵan bolatynbyz.
Airbus ushaqtaryna qatysty jaǵdaıǵa baılanysty Call-ortalyq iske qosyldy.
Frantsııa men Japonııada Airbus jańartýyna baılanysty 130 reıs toqtatyldy.