Almatyda bıyl jóndelgen «Atakentte» qaıtadan qurylys bastaldy ma
ALMATY. KAZINFORM — «Atakentte» bastalǵan jol jumystaryna baılanysty qala turǵyndarynda suraq týyndady.
Bıyl atalǵan qoǵamdyq keńistik qorshalyp, onda jańǵyrtý jumystary júrgizilgen bolatyn. Keıin aýmaq barlyq turǵyn úshin ashyldy. Qala ákimdigi Tımırıazev kóshesinde aýmaǵy 0,37 gektar «Atakent» kesheni aldyndaǵy alań jańartylǵanyn habarlady. Munda 67 aǵash jáne 17,2 myńnan astam buta egilip, 100 metr velojolaq salynǵan.
Alaıda turǵyndarynyń biri jaqynda ashylǵan aýmaqta qaıtadan jol jumystary bastalǵanyn jazyp, sýretterin jarııalaǵan.
Oǵan Almaty qalasy Qoǵamdyq keńistikterdi damytý basqarmasy jaýap berdi. Vedomstvo málimetinshe, qazirgi ýaqytta Tımırıazev kóshesiniń boıynda aýmaqty keshendi kórkeıtý-kógaldandyrý jumystary júrgizilip jaıyr.
— Jobany iske asyrý aıasynda ótinishte kórsetilgen qaýipsizdik aralyn kórkeıtý kózdelgen, — dep túsindirdi basqarma ókilderi.
Eske salaıyq, «Atakent» aýmaǵyn jańǵyrtý jobasy byltyr júzege asyrylýy tıis edi. Biraq joba keıin toqtap qaldy.
