Qazaqstan AES qurylysy úshin halyqaralyq konsortsıým qurý máselesin pysyqtap jatyr – Toqaev

ASTANA. KAZINFORM Qazaqstan AES qurylysy úshin halyqaralyq konsortsıým qurý máselesin pysyqtap jatyr. Bul týraly QR Prezıdenti janyndaǵy Sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev aıtty.

«Úkimet jańartylatyn energetıka sektorynyń ınvestıtsııalyq tartymdylyǵyn arttyrýǵa umtylady. Biz Total, Svevind, ACWA Power jáne Masdar sııaqty álemdik oıynshylarmen qýaty 43 gıgavatt bolatyn jasyl energetıka salasyndaǵy jobalardy júzege asyrý týraly kelisim jasadyq», — dedi Memleket basshysy.

Prezıdent Qazaqstannyń atom energetıkasyn damytý úshin zor áleýetke ıe ekendigine de toqtaldy.

«Bizdiń elimiz ıadrolyq otyn tsıkli aıaqtalǵan derlik álemdegi eń iri ýran óndirýshi sanalady. Ózderińiz de biletindeı, jaqynda ótken jalpyulttyq referendýmda Qazaqstanda alǵashqy atom elektr stantsııasynyń qurylysy maquldandy. Bul bizdiń energetıkalyq qaýipsizdigimizge uzaq merzimdi ınvestıtsııa sanalady. Qazirgi ýaqytta biz osy joba úshin halyqaralyq konsortsıým qurý máselesin pysyqtap jatyrmyz», — dedi Qasym-Jomart Toqaev.

Buǵan deıin Qazaqstan tehnıkalyq jáne kásiptik bilim berý sapasyn arttyrýǵa daıyn ınvestorlardy izdeıtindigin jazǵan edik.