Qazaqstan AES-ke arnalǵan ıadrolyq tehnologııa baǵytynda AQSh-tan tájirıbe jınaqtaıdy

NUR-SULTAN. QazAqparat - Qazaqstan AQSh-pen yntymaqtastyq aıasynda shaǵyn modýldik reaktorlar boıynsha FIRST baǵdarlamasyna qatysady. Bul týraly QR Energetıka mınıstrliginen málim etti, dep habarlaıdy QazAqparat.

QR Energetıka mınıstri Bolat Aqsholaqov AQSh-tyń Qazaqstandaǵy ýaqytsha senimdi ókilimen jáne AQSh Memlekettik departamentiniń «Qaýip-qaterdi birlesip azaıtý» baǵdarlamasynyń ıadrolyq qarýdy taratpaý jónindegi halyqaralyq qaýipsizdik bıýrosynyń ókilderimen kezdesti.

Onyń barysynda Amerıka tarapy FIRST – «Shaǵyn modýldik reaktorlar tehnologııalaryn jaýapty paıdalanýǵa arnalǵan bazalyq ınfraqurylym» baǵdarlamasyna qatysýdy usyndy.

«Baǵdarlama ıadrolyq qaýipsizdik pen taratpaý jónindegi halyqaralyq standarttarǵa sáıkes atom energetıkasyn damytýdyń ulttyq baǵdarlamasyn ázirleýde áleýetti arttyrýda AQSh-tyń seriktes elderine qoldaý kórsetýge baǵyttalǵan.

Baǵdarlama álemde engizilip jatqan AES-ke arnalǵan ozyq ıadrolyq tehnologııalarmen jáne jańa ınnovatsııalarmen tanysýǵa múmkindik beredi», - delingen mınıstrlik habarlamasynda.