Qazaqstan adamzattyń ózekti máseleleri boıynsha halyqaralyq dıalog alańyna aınaldy - Nazarbaev
Bul týraly elordada Astana klýbynyń úshinshi otyrysynda Qazaqstan Prezıdenti Nursultan Nazarbaev málim etti, dep habarlaıdy QazAqparat.
«Bizdiń syrtqy saıasattyń ustanymdary belgili, sondyqtan joǵary daıyndyǵy bar osyndaı aýdıtorııanyń aldynda tyńǵylyqty tanystyrýdy qajet etpeıdi. Búginde Qazaqstan adamzattyń barlyq ózekti máseleleri boıynsha halyqaralyq dıalog alańy bolyp otyr. Buǵan qazirgi kezde kórnekti dálel retinde bıyl jazda ótken «EKSPO-2017» halyqaralyq mamandandyrylǵan kórmesin eske salǵan jón. Oǵan 115 el men 22 halyqaralyq uıym qatysty, kórmege 4 mıllıonnan astam keldi. Biz sońǵy kezde álem kerek bolyp turǵan qajettilikterdi engizýge tyrysýdamyz. ıAǵnı jahandyq maqsattardy sheshý úshin birigýdi, aýyzbirshilikti, toleranttylyqty alǵa tartýdamyz», - dedi Elbasy otyrysqa qatysýshylarǵa qaratyp aıtqan sózinde.
Osy oraıda Memleket basshysy qazaqstandyq dıplomatııaǵa dıalog, kelisim jáne ózara tıimdi áriptestik fılosofııasy tán ekenin aıta kele, bul turǵydaǵy qadamdar Sırııadaǵy jaǵdaıdy retteýdi, ıadrolyq qarýǵa qarsy bastamalardy, mádenıetter men órkenıetter arasyndaǵy dıalogqa qosqan úlesti, áleýmettik-ekonomıkalyq máseleler boıynsha kún tártibin ázirleýdi qamtyp otyrǵanyn eske saldy.
«Búginde Qazaqstan BUU Qaýipsizdik Keńesiniń turaqty emes múshesi, 1 qańtardan bul uıymǵa tóraǵalyq etemiz. Qaýipsizdik Keńesi otyrystaryna qatysý halyqaralyq qatynastar júıesinde bolyp jatqan qozǵalystardy aıqynyraq kórýge múmkindik berdi», - dedi Prezıdent.
Aıta keteıik, Astanada Qazaqstan Prezıdenti Nursultan Nazarbaevtyń qatysýymen Astana klýbynyń úshinshi otyrysy bastaldy . «Forýmnyń jumysyna Túrkııanyń eks-prezdenti Abdolla Gúl, Chehııanyń eks-prezıdenti Vatslav Klaýs, Slovenııanyń eks-prezıdenti Danılo Tıýrk, sondaı-aq kórnekti qoǵam jáne memleket qaıratkerleri, álemniń jetekshi sarapshylary, belgili saıasatkerler men dıplomattar qatysyp otyr.
