Qazaqstan ÁÁK ushqyshtary túngi oqý-jattyǵý ushýlaryn ótkizdi
Mı-17 jáne Mı-24 tikushaqtarynyń ekıpajdary ushý tapsyrmalarynyń kezekti kezeńi aıasynda belgilengen orynǵa shyǵý, aýada barlaý júrgizý jáne shartty qarsylastyń pozıtsııasyn anyqtaý syndy jaýyngerlik daıarlyqtardy qıyn jaǵdaılarda oryndady. Almaty oblysynda ornalasqan Іle ózeni aýdanyna qarasty «Qazaqstan» polıgonyndaǵy jaýyngerlik atys barysynda ushqyshtar FAB-100, FAB-120 avıatsııalyq quraldarymen bombalady. Sondaı-aq, kalıbri 12,7 mıllımetrlik qarý-jaraqpen jáne S-8 basqarylmaıtyn avıatsııalyq zymyrandarmen shartty qarsylasqa oq atty.
Shartty qarsylastyń nysanasy 2,5 shaqyrym qashyqtyqta ornalasty. 100-ge jýyq búrkemelengen nysanalar jáne jaýyngerlik brondy tehnıka maketteri joıyldy. Oqý-jattyǵý ushýlaryna 100-ge tarta áskerı qyzmetshi, onyń ishinde armııalyq avıatsııanyń 5 ekıpajy qatysty. Ushqyshtar barlyǵy 200 jaýyngerlik oqý-jattyǵý ushýlaryn oryndady. Atýlar tún jaǵdaıynda júrgizilgendikten, ekıpajdardyń tapsyrmalaryn qıyndatyldy. Júrgizilgen oqý-jattyǵýlar barysynda jas ushqyshtar baǵa jetpes tájirıbege qol jetkizdi deýge bolady. Aǵa leıtenanttar Sergeı Bıketov pen Aqjan Aıtbaev alǵash ret joıý quraldaryn qoldana otyryp, túngi ushýlarǵa shyǵyp otyr. «Ár túrli oqý-jattyǵý ushýlaryn oryndaý arqyly ushqyshtarymyzdyń kásibı deńgeıin arttyrý kezeń-kezeńmen júrgizilip keledi. Ushýlar daıarlyǵy baǵdarlamasy ekıpajdardyń ushý sheberligin shyńdaýǵa baǵyttalǵan», - dep atap ótti ÁQK Áskerı-áýe kúshteriniń qolbasshysy polkovnık Dáýren Qosanov. Ushýlarǵa 55652, 19132 jáne 54835 avıatsııalyq bólimderiniń jeke quramy qatystyryldy. Túngi ushýlar jaýyngerlik jaǵdaılarda bolatyn tolyq ekıpajdar quramynda júrgizildi.
