Qazaqstan 90 taýar pozıtsııasy boıynsha AQSh-qa shıkizattyq emes eksportty ulǵaıtýǵa daıyn
ASTANA. KAZINFORM - Qazaqstannyń Saýda mınıstri Arman Shaqqalıev AQSh-tyń saýda ókili, elshi Ketrın Taımen eki el arasyndaǵy yntymaqtastyqtyń negizgi baǵyttaryn talqylady, dep habarlaıdy QR Saýda jáne ıntegratsııa mınıstrliginiń baspasóz qyzmeti.
Baspasóz qyzmetiniń málimetterine qaraǵanda, AQSh Qazaqstannyń strategııalyq saýda jáne ınvestıtsııalyq seriktesteriniń biri bolyp tabylady jáne eń iri saýda odaqtastarynyń alǵashqy ondyǵynda senimdi oryn alady.
Eki el arasyndaǵy ekijaqty taýar aınalymy oń dınamıkany kórsetýde. Qazaqstan 90 taýar pozıtsııasy boıynsha AQSh-qa shıkizattyq emes eksportty $770,6 mln-ǵa deıin ulǵaıtýǵa daıyn ekenin bildirdi.
Kezdesý barysynda Qazaqstannyń Saýda mınıstri eki memleket arasyndaǵy saýda qatynastaryn shekteıtin Djekson-Venık túzetýdiń kúshin joıý máselesin kóterdi. Ol AQSh Kongresiniń tıisti sheshimderdi tezirek qabyldaýyna úmit bildirdi. Djekson-Venık túzetýine qatysty Zań jobasy Ókilder palatasynyń 33 múshesi qoldady jáne AQSh Ókilder palatasynyń Saýda jónindegi kishi komıtetinde qaralýda.
«Biz Djekson-Venık túzetýdiń kúshin joıý jumystyń tezirek oń nátıjesin beredi degen úmittenemiz, bul bizdiń elder arasyndaǵy saýda-ekonomıkalyq qatynastardyń damýyna jańa serpin beredi», - dep atap ótti Arman Shaqqalıev.
Sondaı-aq, ol ekijaqty saýda-ekonomıkalyq qatynastardy nyǵaıtýdaǵy AQSh-tyń Jalpy preferentsııalar júıesiniń (JPJ) mańyzdy rólin atap ótti. Qazaqstan óz tarapynan AQSh-tyń JPJ-niń qaıta qoldaný úshin barlyq qajetti jumystardy júrgizýge daıyn ekenin bildirdi.
AQSh-tyń saýda ókili, elshi Ketrın Taı AQSh pen Qazaqstan arasyndaǵy jańa saýda qatynastarynyń damýy men ekonomıkalyq baılanystardyń nyǵaıý perspektıvasyna senim bildirdi.
Onyń aıtýynsha, AQSh-tyń JPJ baǵdarlamasynyń uzartylýy kelesi jyly AQSh Kongresinde qaralatyn bolady. Bul máselede ol Qazaqstanǵa kómek kórsetýge daıyn ekenin aıtty.
Arman Shaqqalıev sondaı-aq Ortalyq Azııadaǵy saýdany aımaqtandyrý máselesin talqylap, bes eldiń birtutas óńir retinde áreket etetinin atap ótti.
ITC SheTrades DSU bastamasyn qoldaı otyryp, Qazaqstannyń saýda mınıstri Almatyda «SheTrades Central Asia» habyn - jahandyq saýdaǵa qatysýǵa múmkindik beretin áıel kásipkerlerge arnalǵan platforma qurýdy usyndy.
Ortalyq Azııadan taýarlardyń eksporty men tranzıti úshin orta dálizdiń mańyzdylyǵy atap ótildi, al rásimderdi jeńildetý jáne kedergisiz saýda negizgi mindetter retinde tanyldy. Qazaqstan «jumsaq» ınfraqurylymdy birlesip damytýǵa jáne teńiz porttary qyzmetkerleriniń biliktiligin arttyrýǵa múddeli.
