Qazaqstan 85 eldiń jas fızıkteriniń basyn sátti biriktire bildi - avstralııalyq qatysýshy
ASTANA. QazAqparat - Qazaqstan 45-shi Halyqaralyq fızıka olımpıadasyna (Irho) qatysýǵa kelgen 85 eldiń ókilderiniń basyn biriktirgenin maqtan tuta alady. Bul týraly QazAqparat tilshisine Avstralııa ókili Aleksandr Rıtter málim etti.
A.Rıtterdiń sózine qaraǵanda, bul onyń qatysyp otyrǵan ekinshi olımpıadasy. Ol osyǵan deıin, ıaǵnı, bıyl Sıngapýrde ótken fızıka páni boıynsha Azııa olımpıadasyna da qatysqan kórinedi. Alaıda, oǵan olımpıadany ótkizýdegi qazaqstandyq nusqa óte unaǵan eken.
"Osyndaı aýqymdy is-sharany ótkizý úshin úlken jaýapkershilik pen naqty uıymdastyrý qajet etedi. Olımpıadany uıymdastyrýdan bólek, onyń qatysýshylarynyń boıynda jaqsy bir áser qalatyndaı etýdiń ózi úlken sharýa. Osy turǵyda qazaqstandyqtar alǵa qoıǵan maqsattaryna qol jetkize aldy", - deıdi A.Rıtter.
"Osyǵan deıin men Qazaqstan týraly syrttan, áleýmettik jelilerden biletin edim. IPho arqasynda osyndaı bir keremet eldiń halqy jáne mádenıetimen jaqyn tanysýǵa múmkindik aldym", - dep sózin jalǵastyrdy Avstralııa ókili.
"Maǵan ásirese, óziniń teńdesiz jáne ásem sáýletimen Astana qalasy, ulttyq naqyshtaǵy kıimderińiz ben ánderińiz jáne qazaqstandyqtardyń qonaqjaılylyǵy unady", - deıdi ol.
Avstralııalyq qatysýshynyń aıtýynsha, Qazaqstan óziniń zamanaýı ásem Astanasymen jáne onyń qonaqjaı turǵyndarymen árbir qatysýshynyń esinde uzaq ýaqyt saqtylatyn bolady.
