Qazaqstan +77 kodyn qaldyrý úshin Reseımen mámilege keledi - mınıstr

Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın +997 kodynan nelikten bas tartqandaryn túsindirdi, dep habarlaıdy Kazinform.

«Kodty biz talap ettik, +997 kody bizde rezervte tur. Biraq bizdiń azamattarymyzdyń shaǵymdaryn eskere otyryp, biz jalpy nege +7 kodynan ketýimiz kerek degen suraqty qaıta qoıdyq. Tarıhqa kóz júgirtsek, keńes ókimeti qulaǵan kezde +7 kody Reseıde qaldy. Sodan keıbir memleketter shyǵa bastady. Biraq bizdiń memleket Reseımen vedomstvoaralyq kelisimge kelip, +7-den keıin taǵy bir 7 sany Qazaqstanǵa tıesili qyldyq. Biraq bul — vedomstvoaralyq qujat. Sol qujattyń ishinde „eki jaqtyń bireýi osy kelisimsharttan bas tartamyz dese, jarty jyldan aspaı, ekinshi tarapqa habardar etýi kerek jáne shart buzylady“ degen pýnkt bar. ıAǵnı biz kodsyz qalýymyz múmkin edi. Sondyqtan osy máseleni qaıta talqylap, Reseı Federatsııasymen bir mámilege keldik», — dep túsindirdi mınıstr.

Onyń aıtýynsha, bul kelsimshart úkimetaralyq deńgeıde bolady. Eki el depýtattarynyń ratıfıkatsııasynan ótedi jáne «bas tartý» degen pýnktter alynyp tastalady. ıAǵnı, ol keleshekte «bas tartýǵa» kelmeıdi.

«Tórtinshiden, bizge +77-ni ózimizge qaldyryp, ony memleketaralyq deńgeıde kelisimshartta bekitetin bolamyz. ıAǵnı azamattarǵa yńǵaıly bolsyn deımiz. Óıtkeni, jańa kodqa aýysý qıyn emes, bizge bir jyl ǵana jetedi. Biraq 20 mln abonentimiz basqa da ınternet-platformalarda tirkegen kodtaryn jańartý jumystaryn júrgizýi kerek. Sondyqtan, biz dúnıejúzilik uıymda +997 kodyn ózimizge rezervke qoıdyq. Biraq +77-ni támámdap, ózimizdiń kodymyz retinde qaldyrý úshin biz sol kelisimshart máselelerin Reseımen talqylap, bir mámilege keldik. Qazir memleketaralyq tıisti protsedýralar júrgizilip jatyr. Bizdiń jaqtan bári maquldandy», — dedi Baǵdat Mýsın.

15 qarasha kúni Qazaqstan +7 telefon kodyn ózgerissiz qaldyratyny habarlanǵan edi.