Qazaqstan 700 tonnadan astam sheteldik qyzanaqty elge kirgizbeı qoıdy

NUR-SULTAN. QazAqparat - Kókónisten qyzanaq jemisiniń qońyr ájim vırýsy tabyldy, dep habarlaıdy QazAqparat Aýyl sharýashylyǵy mınıstrliginiń agroónerkásip keshenindegi memlekettik ınspektsııa komıtetine silteme jasap.

Jyl basynan beri agroónerkásip keshenindegi memlekettik ınspektsııa komıtetiniń aýmaqtyq ınspektsııalary Ázerbaıjan, Túrkimenstan, Ózbekstan jáne Túrkııadan tasymaldanǵan jalpy salmaǵy 700 tonnadan asatyn 50 shaqty qyzanaq partııasyn anyqtady.

Kókónisten qyzanaqtyń qońyr ájim vırýsy (ToBRFV) anyqtalǵandyqtan Qazaqstan aýmaǵyna kirgizýge tyıym salyndy.

Aıta keteıik, esepti kezeńde Komıtet eksporttaýshy elderge ónimniń fıtosanıtarlyq normalar men talaptarǵa sáıkes kelmeıtini týraly 297 notıfıkatsııa jiberdi.

Onyń 53-i - qyzanaqtan qońyr ájim vırýsynyń anyqtalǵany týraly habarlama.

Eske sala keteıik, biz buǵan deıin Reseıdiń Qazaqstanda ósirilgen qyzanaq eksportyna shekteýdi alyp tastaıtynyn jazǵan bolatynbyz.