Qazaqstan 7 aıda 37,5 mlrd dollardyń shıkizat emes taýaryn eksporttaǵan
Bul týraly Saýda jáne ıntegratsııa mınıstrligi Eksportty ilgeriletý departamentiniń dırektory Ómirbek Bashtaı málim etti.
«Syrtqy naryqqa shıkizat emes taýarlardyń eksportyn ilgeriletý elimiz úshin basym baǵyt bolyp esepteledi. Memleket basshysy Úkimettiń aldyna 2025 jylǵa deıin shıkizat emes taýarlar men qyzmetterdiń eksport kólemin 41 mlrd dollarǵa jetkizý mindetin qoıyp otyr.
Ol úshin tutas ekojúıe qalyptastyrylǵan. Qarjylaı da, qarjylaı emes te tetikter qarastyrylǵan. Qazaqstan eksportynyń álemdik naryqta ilgerileýi týraly aıtsaq, kórsetkishterimiz óte jaqsy. 7 aıdyń qorytyndysy boıynsha shıkizat emes taýar aınalymy 37,5 mlrd dollar boldy. Bul byltyrǵy kezeńmen salystyrǵanda 21 paıyz joǵary. Mundaı ósim saqtalsa, mejelengen kórsetkishti asyra oryndaýǵa bolady. ıAǵnı, jaqsy qarqynmen kele jatyrmyz. Qoıylǵan mindetti oryndaýymyz kerek», - dedi ol eksportaýshylardy oqytý baǵdarlamasynyń tanystyrylymynda.
Aıtýynsha, keıingi jyldary Qazaqstannyń shıkizat emes taýar eksporttaý kartasy keńeıgen.
«Sondaı-aq, eksporttyń baǵdary ózgergenin kórip otyrmyz. Buryn negizinen irgeles elderge ótkizetin bolsaq, búginde shalǵaı shetelge de shyǵyp jatyrmyz. Ol úshin búkil jaǵdaı jasalǵan.
2020 jyly Saýda mınıstrligi «QazTrade» akıtsonerlik qoǵamymen birge «Eksporttyq akseleratsııa» baǵdarlamasyn iske qostyq. Eki jyldyń qorytyndysy boıynsha, osy baǵdarlama arqyly jasalǵan eksporttyń kólemi 150 mln dollar boldy. Oqytýǵa 3,6 mln dollar jumsasaq, qaıtarymy qandaı bolǵanyn kórýge bolady.
Bizde eksport shyǵynynyń bir bóligin ótep berýge baǵyttalǵan daǵdarysqa qarsy baǵdarlama bar. Qazirgi geosaıası problemalarǵa baılanysty bul tetikti óte kóp kásipker paıdalanady.
Shetelde kórme sharalaryn uıymdastyrý da jolǵan qoıylǵan. Jyl basynda alǵash ret Reseı Federatsııasynda ótken «Prodekspo» kórmesine ulttyq stend aparyp qoıdy. Ol kórmede 105 mln dollardyń kelisimsharty jasaldy. Bul – Qazaqstannyń Reseı naryǵyna shyǵarǵan tamaq ónimderi eksportynyń 30 paıyzy degen sóz. Bıyl «Alibaba» elektrondy saýda alańynda ulttyq pavılonymyz ashyldy. Osy naryqtaǵy 18 eldiń biri bolyp otyrmyz», - dedi Ómirbek Bashtaı.
