Qazaqstan 50 myń tonna qant qyzylshasyn Qyrǵyzstanǵa jóneltedi

ASTANA. KAZINFORM – Jambyl oblysynyń ákimdigi otandyq zaýyttar óńdep úlgermegen qant qyzylshasyn Qyrǵyzstanǵa jóneltý úshin bıýdjette sýbsıdııa bólmekshi. Qoǵamdyq talqylaýǵa shyǵarylǵan ákimdik qaýlysyny jobasynda osyndaı málimet aıtylǵan.

- 2024 jyly egilgen qant qyzylshasy daqylynyń 11,3 myń gektarynan taza salmaqta 600 myń tonnadan astam ónim alyndy. Merke qant zaýyty josparlanǵan 450 myń tonna ónimdi qabyldaıdy. Qalǵan 100 myń tonna ónim Jetisý oblysyndaǵy Aqsý qant zaýytynda óńdeletin bolady. 

Osyǵan oraı, qalǵan 50 myń tonna ónimdi Merki qant zaýyty arqyly Qyrǵyz Respýblıkasynda ornalasqan Qaıyńdy jáne Qoshoı qant zaýyttaryna tasymaldaý josparlanyp otyr. Qyrǵyz Respýblıkasynda ornalasqan Qoshoı jáne Qaıyńdy qant zaýyttaryna Merki qant zaýyty arqyly jiberiletin ónimniń tasymaldaý shyǵyndaryn sýbsıdııalaý qajet, - dep jazylǵan anyqtamada.

Qujatta daqyl ósirý shyǵyndaryn esepteýdiń negizdemesi qaıta qaralǵany aıtylady.

- Sonymen qatar, materıaldyq-taýarlyq qajettilikterdiń qymbattaýyna baılanysty aýyl sharýashylyǵy daqyldaryn ósirýge ketken shyǵyndarynyń ǵylymı-ekonomıkalyq negizdemesin qaıta qaraldy.

Atalǵan qaýly jobasyn qabyldaý ósimdik sharýashylyǵy óniminiń shyǵymdylyǵy jáne ónim sapasyn arttyrady, - delingen qaýly jobasynda. 

Buǵan deıin jetisýlyqtar aıazda qant qyzylshasyna kezekte turýǵa májbúr ekeni aıtylǵan edi.