Qazaqstan 5 jasqa deıingi balalardyń pnevmonııamen aýrýyn 50 paıyzǵa tómendetýdi josparlap otyr
ASTANA. 2 qarasha. QazAqparat - Pnevmokok ınfektsııasyna qarsy vaktsınatsııa engizgen álemniń damyǵan 50 eliniń tájirıbesin esepke ala otyryp, Qazaqstan 5 jasqa deıingi balalar arasynda pnevmonııamen aýrýdy 50 paıyzǵa, al onyń saldarynan bolatyn ólim-jitim kórsetkishin 20 paıyzǵa tómendetýdi josparlap otyr. Bul týraly Salaýatty ómir saltyn qalyptastyrý problemalary ulttyq ortalyǵynyń baspasóz qyzmeti habarlaıdy.
Baspasóz málimetterine qaraǵanda, Qazaqstan Respýblıkasy Densaýlyq saqtaý mınıstrligi halyqtyń ımmýndyq profılaktıkasy máselelerine úlken nazar aýdarady, sebebi dúnıejúzinde ol ınfektsııamen kúresýdiń barynsha tıimdi, únemdi jáne qol jetimdi quraly bolyp tanyldy. Osyǵan baılanysty ınfektsııalarǵa qarsy tıimdi vaktsınalar bar ınfektsııalar tizbesin keńeıtý boıynsha sharalar qabyldanýda. Densaýlyq saqtaý salasyn damytýdyń «Salamatty Qazaqstan» memlekettik baǵdarlamasynda pnevmokokk ınfektsııasyna qarsy vaktsınatsııa egý máselesi qarastyrylǵan. 2010 jyldan bastap pnevmokokk ınfektsııasyna qarsy egý jumystary Shyǵys Qazaqstan jáne Mańǵystaý oblystarynda, 2011 jyldan bastap Jambyl jáne Ońtústik Qazaqstan oblystarynda bastaldy.
Odan ári bul baǵyttaǵy jumystar: 2012 jyldan bastap - Qaraǵandy, Qyzylorda, Soltústik Qazaqstan oblystarynda, 2013 jyldan bastap Aqmola, Atyraý, Qostanaı oblystarynda, 2014 jyldan bastap Aqtóbe, Pavlodar oblystarynda, Astana qalasynda kezeń-kezeńmen júzege asyrylatyn bolady.
2015 jyldan bastap balalardy pnevmokokk ınfektsııasyna qarsy vaktsınatsııalaý respýblıka boıynsha júrgiziledi. Profılaktıkalyq egýlerdiń ulttyq kúntizbesine sáıkes pnevmokokk vaktsınasy 2, 4 jáne 12-15 aılyq balalarǵa egiledi. Qazaqstanda vaktsınatsııa quramynda 13 pnevmokokk serotıpi bar, ol AQSh-ta shyǵarylǵan. Pnevmokokk ınfektsııasy jyl saıyn álemde 5 jasqa deıingi balalardyń 1 mıllıonǵa jýyq ólim-jitimin týdyratyn balalardyń syrqattanýy men ólim-jitiminiń kóp taraǵan sebepshileri bolyp tabylady. Pnevmokokk ınfektsııasyna qarsy vaktsınatsııalaý 52 elde júrgiziledi, TMD elderiniń ishinde Qazaqstan pnevmokokk ınfektsııasyna qarsy vaktsınatsııany engizgen birinshi el.
