Qazaqstan 41 elmen avtomobılmen tasymal jasaý blankilermen almasty
ASTANA. QazAqparat - 2017 jyly QR Investıtsııalar jáne damý mınıstrliginiń Kólik komıteti 42 elmen halyqaralyq avtoombılmen tasymal jasaý úshin 150 myń ruqsat blankilerimen almasty. Olardyń 122 myńy - jan-jaqty ruqsattamalar, qalǵan 28 myńy - úshinshi elderge júk tasymaldaý ruqsattamalary, dep habarlady búgin QR Investıtsııalar jáne damý mınıstrliginiń baspasóz qyzmeti.
Qazaqstandyq tasymaldaýshylarǵa 109 myń sheteldik ruqsat blankisi berilgen (2016 jyly 97 myń), olardyń 93%-y paıdalanyldy.
Bıyl aqpan aıynyń 19-na deıin komıtet 41 memleketpen 126 myń blanki almasty. Onyń 103 myńy jan-jaqty jáne 23 myńy úshinshi elderge júkterdi tasymaldaý ruqsattamasy. Olar aýmaqtyq kólikti baqylaý ınspektsııalaryna taratylǵan. Blankilerdi alý úshin tasymaldaýshy egov.kz elektrondyq úkimeti arqyly tapsyrys berýi qajet.
Eske sala keteıik, 2017 jyly Qazaqstan men basqa elder arasyndaǵy júk tasymaldaý kólemi 8,8 mln. tonnany qurady. Avtokólikpen júk tasymaldaý tranzıtiniń jalpy kólemi 2,1 mln. tonnaǵa jetti.
