Qazaqstan 400 mln dollarǵa jýyq sút ónimin shetelden tasyǵan

ASTANA. QazAqparat – Іshki naryqta sút ónimderine qajettilik qanshalyqty qamtylyp otyr? Qazaqstan sút ónimderin óndirýdi damytýda EAEO elderimen básekege túse ala ma? Bul suraqtarǵa «Atameken» UKP AÓK jáne tamaq ónerkásibi departamentiniń dırektory Erbol Eseneev jaýap berdi, dep habarlaıdy QazAqparat tilshisi.

«Rasynda da, sút ónerkásibiniń birneshe qyry bar. Bizde sút ózenderi aǵyp jatyr deýge áli erte. Birinshiden, bizde statıstıka boıynsha obektıvti derekter joq. Statıstıka boıynsha biz 6 mıllıon lıtrge jýyq sút óndirip, onyń 2 mln lıtrin ǵana óńdeımiz. ıAǵnı, barlyǵy jeke qosalqy sharýashylyqtarda dep jazylady. Shyndyǵynda, bul sút joq, eshkimdi aldaýdyń qajeti joq. Bul bıznes úshin de, Úkimet úshin de jalǵan sıgnal. Bıyl da ótken jyldardaǵy sátsiz tájirıbeni qaıtaladyq», - dedi Erbol Eseneev Jibek Joly telearnasynyń efırinde.

Onyń málimetinshe, Qazaqstan 400 mln dollarǵa jýyq sút ónimin shetelden tasyǵan.

«Shıki sút, aırandy óz sútimizden jasaımyz. Biraq, balalar taǵamy, irimshikter, súzbe – bári shetelden keledi. Munda, árıne, memlekettik saıasat máselesi bar, óıtkeni bul salany jetkilikti qoldap otyrǵan joqpyz. Sút salasyna kelsek, biz Reseımen salystyrǵanda eki ese az, Belarýspen salystyrǵanda tórt ese az qoldaý kórsetemiz», - dep atap ótti spıker.

Buǵan deıin Erbol Eseneev azyq-túliktiń qymbattaýyna jol bermeý maqsatynda qandaı sharalar qabyldaý keregin aıtqan edi.