Qazaqstan 400-den astam taýarǵa engizilgen kedendik baj salyǵynyń ótpeli kezeńin otandyq óndiristi damytýǵa tıimdi paıdalaný kerek - Janar Aıtjanova

LMATY. Naýryzdyń 29-y. QazAqparat /Erlik Erjanuly/ - Keden odaǵyndaǵy kelissózder bastalǵan kezde 3 memlekettiń kedendik bajdarynyń deńgeıi 40 paıyzǵa sáıkes keletin.Taraptar qalǵan 60 paıyzdy bir deńgeıge keltirýde de ózara túsinistik taba aldy.

Bul jaıly Almatyda ótken Keden odaǵy týraly alqaly jıynda aıtyldy, dep habarlaıdy QazAqparat.

«Qazaqstan Reseıdegi kedendik baj deńgeıi neǵurlym joǵary bolǵandyqtan 400-den asa taýarlarǵa ótpeli kezeń alý kelisimine qol jetkizdi. Mysaly dári-dármekte - 5 jyl, hımııalyq óndiris shıkizaty jáne polımerlerge - 4 jyl. Endi tsellıýloza, temir jol vagondary, medıtsınalyq qural-jabdyqtar sııaqty búgin respýblıkada óndirilip otyrǵan kólemi ekonomıkamyzdyń qajettiligine jetpeıtindikten ózge elderdiń ımportyna táýeldi bolyp otyrǵan taýarlar óndirisin osy kezeńde ornyna turǵyzýymyz kerek», deıdi Ekonomıkalyq damý jáne saýda mınıstri Janar Aıtjanova.