Qazaqstan 4 sala boıynsha jahandyq aýqymda yqpalyn júrgize alady – Ulttyq quryltaı

BÝRABAI. KAZINFORM – Ulttyq quryltaıdyń ІV otyrysynda Úkimetke ozyq tsıfrlyq tásilder men jasandy ıntellektige qolaıly orta qalyptastyrý jumystaryn eselep kúsheıtý tapsyryldy.

- Menińshe, Qazaqstannyń keminde tórt salada orasan zor múmkindikteri bar. Osy salalarda biz óz elimizdi qamtamasyz etip qana qoımaı, aımaqtyq, tipti, jahandyq aýqymda yqpalymyzdy júrgize alamyz. Tsıfrlandyrý isi men jasandy ıntellekt, kólik tasymaly, energetıka, agroónerkásip kesheni jáne adam kapıtaly negiz bolady, - dedi Memleket basshysy.

Prezıdenttiń paıymdaýynsha, Qazaqstan tsıfrlandyrý men jasandy ıntellektini qoldaný isinde elimiz zor jetistikke jete alady. Qazaqstan qazirdiń ózinde BUU Elektrondy úkimettiń damý deńgeıi jónindegi reıtınginde 190 memlekettiń ishinen alǵashqy 25 eldiń qataryna kirip tur.

- Biraq, munymen shektelip qalýǵa esh bolmaıdy. Joǵary tehnologııalar ekonomıkanyń jáne memleketti basqarý isiniń barlyq salasyn damytýǵa tyń serpin berip, alǵa bastaıdy.
Úkimet ozyq tsıfrlyq tásilderdi jáne jasandy ıntellektini jappaı engizý úshin qolaıly orta qalyptastyrýǵa arnalǵan jumysty eselep kúsheıtýge tıis, - dedi Qasym-Jomart Toqaev.

Aıta ketý kerek, quryltaıdyń paneldik sessııalary keshe bastalǵan. Ol sektsııalardyń taqyryptary azamattyq qoǵam, mádenıet, óner, rýhanııat, bilim jáne ǵylym, áleýmettik-ekonomıkalyq damý máselelerin qamtydy.