Qazaqstan 34 memleketke qatysty vızalyq rejimge tyıym salýǵa nıetti

Bul týraly búgin selektorlyq rejimdegi Úkimet otyrysynda elimizdegi týrızm salasyn damytý máselesi boıynsha baıandama jasaǵan Indýstrııa jáne jańa tehnologııalar mınıstri Áset Isekeshev málim etti.

«Búginde QR Syrtqy ister mınıstrligi  damyǵan 34 elge qatysty vızalyq rejimnen bas tartý boıynsha jobany iske asyrýda. Bizdiń pikirimizshe, bul jumysty jedeldetý qajet», - dedi mınıstr.

Osy oraıda, Á. Isekeshev mundaı sharalar Qazaqstandaǵy týrızm salasyn damytýǵa negizdelip otyrǵandyǵyn jetkizdi.

«Jalpy ótken eki jylda týrızm salasynda oń qarqyn baıqaldy. Negizgi kapıtalǵa salynǵan ınvestıtsııa kólemi 161 paıyzǵa artty. Osy salada qyzmet kórsetip júrgen kompanııalardyń úlesi 2 esege ósip, 128 mlrd. 600 mln. teńgege jetti. Degenmen de, muny úlken jetistik dep aıtýǵa bolmaıdy. Alda kóptegen mindetter tur. Elbasynyń tapsyrmasyna sáıkes aımaqtarda birneshe iri jobalardy iske asyrý josparlanǵan»,-dep atap ótti ol.

Mınıstrdiń aıtýynsha, 2011 jyly  elge kelgen týrısterdiń sany 5 mln. 600 myńnan astam adamǵa jetti. Al, ishki týrıster 5 mln. 300 myńnan astam  adamdy qurady.  Týrıstik salada kórsetilgen qyzmet kólemi 74 mlrd. teńgeni nemese 500 mln. AQSh dolaryna jýyq qarjyny qurady.