Qazaqstan 32 altyn, 21 kúmis jáne 17 qola medalǵa qol jetkizip, Azıada oıyndaryn rekordtyq kórsetkishpen aıaqtady

Azıada-2011 resmı saıtynyń habarlaýynsha, 13 altyn, 24 kúmis, 17 qola medalmen (barlyǵy 54 medal) Japonııa ekinshi orynǵa shyqty. Ońtústik Koreıa sportshylary 13 altyn, 12 kúmis jáne 13 qola medalmen (38 medal) úshinshi orynǵa ıe boldy. Tórtinshi orynǵa 11 altyn, 10 kúmis jáne 14 qola medalmen (35 medal) Qytaı qurama komandasy jaıǵasty. Odan ári Mońǵolııada 5 medal (1 kúmis, 4 qola), Iranda 3 medal (1 kúmis, 2 qola), Qyrǵyzstanda 1 ǵana qola medal bar.

Atap óterligi, beıresmı eseppen Qazaqstan komandasy Azıada tarıhynda tuńǵysh ret 32 altyn medaldan alqa taǵynyp, rekordtyq kórsetkishke jetip otyr. Buǵan deıingi rekord, ıaǵnı 29 altyn medal Japonııaǵa tıesili bolatyn. Ol 1986 jyly Sapporo qalasynda ótken 1-qysqy Azııa oıyndarynda ornatylǵan.