Qazaqstan 30-dan astam memleketpen vızalyq rejımdi jeńildetý kelissózin jalǵastyryp jatyr
«Qazirgi ýaqytta Eýropa, Amerıka, Azııa, Afrıka men TMD-nyń jalpy 32 elimen vızalyq rejımdi jeńildetý týraly kelissózder júrgizilip jatyr. Ár aımaqtaǵy jumystyń ereksheligi aıtarlyqtaı ózgeshe ekenin túsiný mańyzdy, sondyqtan qujattardy qabyldaý merzimderin boljaý qıyn. Alda aýqymdy birlesken jumys kútip tur, onyń nátıjesi Qazaqstan Syrtqy ister mınıstrliginiń turaqty brıfıngteri barysynda resmı túrde jarııalanady», - delingen Syrtqy ister mınıstrliginiń «QazAqparat» agenttigine bergen jaýabynda.
Budan buryn habarlanǵandaı, Qazaqstan azamattary ulttyq tólqujatpen álemniń 29 memleketine vızasyz saparlaı alady.
Bıyl maýsym aıynda Premer-Mınıstrdiń orynbasary – Syrtqy ister mınıstri Murat Nurtileý men Lıýksembýrg Uly Gertsogtiginiń Syrtqy jáne eýropalyq ister jónindegi mınıstri Jan Asselborn eki el azamattary úshin vıza rejımin jeńildetý máselesin talqylady.