Qazaqstan 3-4 jylda tolyǵymen energoúnemdegish shamdarǵa kóshýi yqtımal
ASTANA. QazAqparat - Qazaqstan 3-4 jylda tolyǵymen energoúnemdegish shamdarǵa kóshýi yqtımal. Bul týraly Ortalyq kommýnıkatsııalar qyzmetinde ótken brıfıngte «Qazaqstan Respýblıkasyndaǵy energotıimdilik jáne resýrs únemdeý» qoǵamdyq palatasynyń Basqarma tóraǵasy Álibek Qabylbaı málim etti.
"Memleket energotıimdi jaryq shamdaryn qoldanýdyń arqasynda 7 mln. KVt/saǵat elektr energııasyn únemdeı alady. Bul óte úlken kórsetkish. Degenmen qalypty shamdarǵa tyıym salý - energotıimdilikti saqtaýdyń alǵashqy qadamy ǵana. Qosymsha sharalar qabyldaý qajet. Elde otandyq energotıimdi shamdardy shyǵarý salasyn jolǵa qoıý kerek. Bir qýantarlyǵy, Qazaqstanda ondaı zaýyttar bar. Eger buryn qalypty shamdardy da shyǵarmaı kelgen bolsaq, qazirde dıodty jaryq shamdaryn jasaıtyn 12 kásiporyn jumys isteýde", - dedi ol.
Onyń aıtýynsha, QR Úkimeti BUU-nyń Damý baǵdarlamasymen birlesip, eldegi eski shamdardy atalmysh zamanaýı, energotıimdi shamdarǵa almastyrý jobasyn qolǵa alynyp otyr. Shamamen 3-4 jylda Qazaqstandaǵy áleýmettik nysandardaǵy, memlekettik ǵımarattardaǵy jáne kóshelerdegi shamdar tolyǵymen almastyrylmaq.
