Qazaqstan 28 maýsymda Ystambulda oryn alǵan terrorıstik aktini qatań aıyptaıdy - SІM málimdemesi
ASTANA. QazAqparat - Qazaqstan 2016 jylǵy 28 maýsymda Ystambul qalasynda oryn alǵan terrorıstik aktini qatań aıyptaıdy. Búgin QR Syrtqy ister mınıstrligi osyndaı málimdeme taratty.
«Túrkııa úkimetine jáne baýyrlas halyqqa, osy zulymdyq áreket qurbandarynyń týystary men jaqyndaryna qaıǵyryp kóńil aıtamyz.Qazaqstan terrorızmniń kez kelgen kórinisine qarsy ymyrasyz kúresti óziniń tolyq qoldaıtynyn rastaı otyryp, terrorızmge qarsy keń aýqymdy halyqaralyq koalıtsııa (jeli) qurý arqyly osy baǵyttaǵy halyqaralyq áreketterdi úlestirýdi barynsha nyǵaıtýǵa shaqyrady», - delingen málimdemede.
Eske sala keteıik, Ystambuldyń halyqaralyq áýejaıynda jarylys boldy. Oqıǵa saldarynan túrli derekterge sáıkes 31-32 adam qaza tapqan. Sońǵy málimet boıynsha 147 adam zardap shekken. Jarylystar serııasy halyqaralyq termınalda oryn aldy.
