«Qazaqstan-2050» demokratııalyq kúshter koalıtsııasy: Alda jańa saıası kezeń men reformalar tur
ALMATY. QazAqparat - Almaty qalalyq demokratııalyq kúshter koalıtsııasynyń músheleri elimizde ótken prezıdenttik saılaý nátıjıeleri men QR Prezıdenti Qasym-Jomart Toqaevtyń saıası baǵdarlamasyn talqylady, dep habarlaıdy QazAqparat tilishisi.
«Qazaqstan halqy durys tańdaý jasady. Prezıdent Qasym-Jomart Toqaev Qazaqstandy jańa belesterge kóteredi. Elbasynyń bastamasyn ári qaraı júrgizip, halyqtyń ál-aýqatyn ońaltýǵa aıanbaı eńbek etetin tulǵa», -dedi «Nur Otan» partııasynyń saıası keńes múshesi Borıs Japarov.
Demokartııalyq kúshter koalııatsııasynyń músheleri búgingi kúni elimizdiń aldynda jańa saıası kezeńder men reformalar kútip turǵanyn atap ótti.
«Prezıdent Qasym-Jomart Toqaevtyń úsh maqsat: sabaqtastyq, ádilettilik, órleý tuǵyrnamasyn júzege asyrý maqsatynda elimizdiń barlyq aımaqtarynda qurylǵan demokratııalyq kúshter koalıtsııasynyń músheleri óz úlesterin qosady»,-deıdi «Aq jol» partııasy Almaty qalalyq fılıalynyń tóraǵasy Nurlan Jazylbekov.
