Qazaqstan 2030 jylǵa qaraı sý jáne jer resýrstaryn tolyq qalpyna keltiredi - N.Qapparov
Bul týraly búgin elordada ótip jatqan VI Astana ekonomıkalyq forýmy aıasyndaǵy «Indýstrııaldy revolıýtsııa - «jasyl ekonomıkaǵa» kóshý» atty sessııada QR Qorshaǵan ortany qorǵaý mınıstri Nurlan Qapparov málim etti.
Qazaqstan is júzinde el ekonomıkasynyń barlyq salalaryn qamtıtyn aýqymdy maqsattardy alǵa qoıyp otyrǵandyǵyn basa aıtqan mınıstr: «Biz 2030 jylǵa qaraı eldiń sý jáne jer resýrstaryn qalpyna keltirip, kóptegen jaıtta Ekonomıkalyq damý jáne yntymaqtastyq uıymyna qatysýshy elderdiń tabıǵı kapıtaldy paıdalaný tıimdiliginiń ortasha kórsetkishimen teńese alamyz», - dedi.
Sonymen qatar N.Qapparovtyń atap ótýinshe, elimizdiń bilim berý júıesi árbir qazaqstandyq kishkentaı kezinen bastap tabıǵı kapıtaldyń shynaıy qundylyǵyn seziný, qorshaǵan ortany qorǵaýda jaýapkershiligin arttyrý baǵytynda reformalanatyn bolady.
«Biz qajetti bilimi bar ári «jas ekonomıka» qurý úshin daǵdylanǵan jańa kadrlar tárbıeleımiz», - dedi ol.
