Qazaqstan 2030 jylǵa qaraı parnıkti gazdardyń aýaǵa taraýyn 25 paıyzǵa qysqartady
«2015 jylǵy 12 jeltoqsanda Parıj qalasynda BUU-nyń klımattyń ózgerýi týraly negizdemelik konventsııasynyń 21-shi taraptar konferentsııasynyń qorytyndysynda Parıj kelisimi qabyldandy. Bul kelisimnen shyǵý ol kúshine engennen keıin 3 jyldan soń ǵana múmkin bolady. Qazaqstan kelisimge 2016 jylǵy 2 tamyzda qosylýǵa sheshim qabyldady. Qazirgi tańda atalǵan kelisimdi jalpy shyǵaryndylar jıyntyǵy 58 paıyzdy quraıtyn 76 el ratıfıkatsııalady. Bul aǵymdaǵy jyldyń 5 qazanynda Parıj kelisiminiń kúshine enýi úshin qajetti sharttarǵa qol jetkizgenin bildiredi»,- dedi zań jobasyn tanystyrǵan QR Energetıka mınıstri Qanat Bozymbaev.
Onyń aıtýynsha, parnıkti gazdardyń jalpy jahandyq shyǵaryndylary jıyntyǵynyń keminde 55 paıyzdyq úlesine tıetin konventsııa taraptarynyń keminde 55-i BUU-nyń depozıtarııine ratıfıkatsııalaý týraly qujattaryn tapsyrǵan. ıAǵnı, Parıj kelisiminiń 30-shy kúni nemese 2016 jyldyń 4 qarashasynda kúshine enedi.
«Parıj kelisiminiń erejesine sáıkes, kelisim tarabynyń birinshi keńesi Marrakesh qalasynda BUU-nyń klımattyń ózgerýi týraly negizdemelik konventsııasynyń 22-shi taraptar konferentsııasynyń aıasynda aǵymdaǵy jyldyń 7-18 qarashasy aralyǵynda ótedi», - dedi mınıstr.
Bozymbaevtyń aıtýynsha, Parıj kelisimi jahandyq ortasha temperatýra ósiminiń ındýstrııaǵa deıingi deńgeıden 2 gradýstan anaǵurlym tómen deńgeıde ustaýǵa, parnıkti gazdar shyǵaryndylaryn tómen deńgeıinde klımat ózgerýiniń qolaısyz áserlerine beıimdelý jáne álsizdiktiń tómendeýine negizdeledi.
«Kelisim aıasynda árbir tarap ózi qol jetkizýge nıettenip otyrǵan ulttyq deńgeıde aıqyndalatyn úlesterin usynady. 5 jylda bir ret elder ulttyq deńgeıde anyqtalatyn úlesterin aıqyndaıdy. Qazaqstan 2015 jylǵy qyrkúıekte 2030 jylǵa deıingi merzimde bazalyq 1990 jylmen salystyrǵanda parnıkti gazdar shyǵaryndylaryn shartsyz túrde 15 paıyzǵa jáne shartty túrde 25 paıyzǵa azaıtý nemese qysqartý mindettemesin jarııalady. Usynylǵan úlesterge qol jetkizý Parıj kelisimimen zańdy túrde mindettelmeıdi. Olar erikti negizde oryndalady jáne hatshylyqtyń ashyq tiziliminde jarııalanady», - dedi ol.
