Qazaqstan 2030 jylǵa qaraı kásibı sheberlik pen shyǵarmashylyq ósýdiń jetekshi halyqaralyq mektebine aınalýy tıis - A.Muhamedıuly

ASTANA. QazAqparat - Qazaqstan 2030 jylǵa qaraı kásibı sheberlik pen shyǵarmashylyq ósýdiń jetekshi halyqaralyq mektebine aınalýy tıis. Bul týraly búgin teatr, óner qyzmeti jáne kınoóndiris boıynsha kórkemdik keńesterdiń alǵashqy otyrysynda QR Mádenıet jáne sport mınıstri Arystanbek Muhamedıuly aıtty.

Onyń atap ótýinshe, shyǵarmashylyq uıymdardyń repertýralyq saıası máselelerin sheshý, ol jóninde usynys engizý, mádenı mekemelerdiń shyǵarmashylyq kórmelerin, shyǵarmashylyq ujymdardyń repertýarlyq josparlaryn qaraý, gastroldik qyzmetti qalyptastyrý syndy sharalar boıynsha jumystar qolǵa alynǵan.

«Qala men aýyl halqynyń teatr ónerine teńdeı qol jetkizýin qamtamasyz etý, sonymen irge qazaqstandyq úzdik qoıylymdardy halyqaralyq teatr keńistigine ilgeriletý maqsatynda gastroldik jáne festıvaldyq qyzmetti uıymdastyrý tásili qajet. 2030 jylǵa qaraı elimiz kásibı sheberlik pen shyǵarmashylyq ósýdiń jetekshi halyqaralyq mektebine aınalýy tıis»,- dedi A.Muhamedıuly.

Keńes otyrysy barysynda shyǵarmashylyq zııaly qaýym ókilderi repertýardy, gastroldik qyzmetti qalyptastyrý, kadr saıasaty máselelerin sheshýge baǵyttalǵan shoǵyrlandyrylǵan tuǵyrnamasy bar mádenı saıasatty iske asyrý, sondaı-aq oblystyq teatrlar men mýzyka uıymdarynyń kadr saıasaty máselelerin sheshý joldaryn talqylady.