Qazaqstan 2030 jylǵa qaraı ana ólimin azaıtýdy Eýropalyq Odaq kórsetkishine deńgeılestiredi - DSM

ASTANA. QazAqparat - Qazaqstan 2030 jylǵa qaraı ana ólimin azaıtýdy Eýropalyq Odaq kórsetkishine deńgeılestiredi. Bul týraly búgin Parlament Májilisindegi Úkimet saǵatynda Densaýlyq saqtaý mınıstri Salıdat Qaıyrbekova málim etti.

«Respýblıkada jalpy ólim kórsetkishi byltyr 4,8 paıyzǵa azaıdy. Byltyrǵy jyly elimizde ana ólimi kórsetkishi 6,7 paıyzǵa azaıdy. Bul kórsetkishti tómendetý serpinin eskere otyryp, biz 2030 jylǵa qaraı Eýropa Odaǵynyń kórsetkishine deńgeılestiremiz. Toqtala ketetin jaıt, bul kórsetkishke negizinen alǵashqy medıtsınalyq kómek jumysyn jandandyrý arqyly qol jetkizý múmkindigi qamtyldy. Alaıda, statsıonar dárigerleriniń biliktiligi tómen bolyp otyr. Bul problemany sheshý úshin óńirlerde oqý ortalyqtaryn qurdyq», - deıdi mınıstr. Onyń aıtýynsha, osyndaı ortalyqtarda óńirlerde oryn alǵan ólimniń jaǵdaılary tekseriledi.

Keltirilgen derekterge qaraǵanda, byltyrǵy jyly elimizde týberkýlezben syrqattanýshylyq on paıyzǵa, odan bolatyn ólim-jitim 24 paıyzǵa azaıǵan.