Qazaqstan 2029 jyly «KazSat-3» spýtnıgin almastyratyn jerserikti ǵaryshqa ushyrady
TAShKENT. KAZINFORM – «KazSat-3» spýtnıginiń ornyn basatyn jańa jerserikti ushyrý 2029 jylǵa josparlanǵan. Muny Ózbekstan astanasynda ótken «Space Technology Conference – 2026» is-sharasynda qatysqan QR Aeroǵarysh komıteti tóraǵasynyń orynbasary Qýandyq Shúlenbaev aıtty, dep habarlaıdy Kazinform agenttiginiń Tashkenttegi menshikti tilshisi.
– «KazSat-3» spýtnıgin aýystyrý boıynsha jumys bastalyp ketti. Atap aıtqanda, jetkizýshini tańdaý, tender rásimderi uıymdastyrylyp jatyr. Biz ony 2029 jyly almastyramyz. Al «KazEOSat-1» jáne «KazEOSat-2» jerserikteri jaıly aıtatyn bolsaq, olardy paıdalaný merzimi 2021 jyly aıaqtaldy. Degenmen qurylǵylardyń qyzmet ýaqytyn uzartyp kelemiz. ıAǵnı, apparattar jumys istep tur, sáıkesinshe biz derekterdi alyp, aqparattardy Qazaqstannyń memlekettik organdaryna usynyp otyrmyz. Keleshekte olardy MR spýtnıkter toby almastyrady, – dep jaýap berdi Qýandyq Shúlenbaev Kazinform tilshisiniń saýalyna.
Eske salaıyq, atalǵan konferentsııa barysynda 2027 jyly ǵaryshqa shyǵarylatyn túrki elderiniń birlesken spýtnıgi tanystyryldy.
Munymen birge jaqynda kosmosqa attanatyn tuńǵysh ózbek ǵaryshkerine qoıylatyn talaptar jarııalandy.
Qosa ketsek, bıyl Ózbekstan men Qytaı ǵaryshqa Jerdi qashyqtyqtan zondtaıtyn spýtnık ushyrýdy josparlap otyr.
Sondaı-aq Ózbekstan 2028 jyly «Mirzo Ulug’bek» spýtnıgin ǵarysh keńistigine shyǵarady.
